Šroder dziejničaje na škodu Niamieččynie, na karyść rasijskaha aliharchičnaha kapitału.
Niekali Karł Kaŭcki pisaŭ: lohka ślizhać uniz pa nachilenaj płoskaści. Śviatkavańnie Šroderam svajho 70-hodździa ŭ Jusupaŭskim pałacy ŭ S.-Pieciarburhu paćviardžaje hetuju iścinu.
Nahadaju, što kniazi Jusupavy byli ŭ svajakami rasijskich caroŭ (kniaź Fieliks Jusupaŭ byŭ žanaty, kali nie pamylajusia, ź vialikaj kniahiniaj Irynaj). Sacyjał-demakrat baluje ŭ pałacy rasijskaha arystakrata, carskaha svajaka. Aŭhust Biebiel u damavinie pieraviarnuŭsia b, kali b pačuŭ takoje. Frydrych Enhiels, jaki ŭ svaim palityčnym zapaviecie pisaŭ, što rasijski caryzm — vorah nie tolki zachodnich narodaŭ, ale i zachodniaj buržuazii, aniamieŭ by ad takoj viestki.
Enhiels zaviaščaŭ niamieckim sacyjał-demakratam: sacyjał-demakratyja pavinna zmahacca za mir, za niedapuščeńnie vajny. Ale kali vajna vajna ŭsio ž pačniecca, sacyjał-demakraty pavinny baranić Niamieččynu nie škadujučy svajho žyćcia, bo «carskija ordy» prynieśli b u Niamieččynu «nie svabodu, a rabstva, nie raźvićcio, a spustašeńnie, nie prahres, a ździčeńnie».
Ci nie toje niasie ciapier pucinskaja Rasija va Ukrainu? I ŭ hetych abstavinach sacyjał-demakrat Šroder abdymajecca z Pucinym. I radasnaja ŭśmieška na tvary byłoha fiederalnaha kanclera.
Dapuścim, što Šroder razmaŭlaŭ z Pucinym pra Ukrainu, pra zachoplenych rasijskaj ahienturaj u Słaviansku niamieckich naziralnikaŭ ad ABSIE, ale ž karyści z taje razmovy nijakaj, bo hramadzianin Fiederatyŭnaj Respubliki pradstaŭlaŭ samoha siabie. Jon nie ŭzhadniŭ svaju sustreču z Pucinym nie tolki ź fiederalnym kancleram Anhiełaj Merkiel, ale i sa svaim tavaryšam pa partyi – fiederalnym ministram zamiežnych spraŭ Francam Valteram Štajnmajeram. Z hetaha my robim vysnovu: Šroder dziejničaje ŭžo nie tolki na škodu SDPH, ale i na škodu Niamieččynie. Zatoje na karyść pucinskaj Rasii, na karyść rasijskaha aliharchičnaha kapitału.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary