Alaksandr Łukašenka zajaŭlaje, što Rasija i Kazachstan nie chočuć iści na poŭnuju libieralizacyju rynku aŭtapieravozak u stvarajemym Jeŭrazijskim ekanamičnym sajuzie.
«Tut absalutna nieadnaznačnaja situacyja. Ni Rasija, ni Kazachstan nie chočuć iści na raŭnapraŭnyja adnosiny ŭ Sajuzie ŭ hetym siektary», — zajaviŭ A.Łukašenka ŭ piatnicu ŭ Minsku padčas cyrymonii ŭručeńnia dziaržaŭnych uznaharod, adznačajučy zasłuhi Biełaruskaj asacyjacyi mižnarodnych aŭtapieravozčykaŭ «BAMAP».
Jon nahadaŭ, što niadaŭna tema farmiravańnia ahulnaha rynku transpartnych pasłuh u JEAES abmiarkoŭvałasia na samicie ŭ Minsku. «Hetaje pytańnie vielmi surjozna abmiarkoŭvałasia zusim niadaŭna tryma prezidentami padčas sustrečy pa pytańniach budaŭnictva našaha ekanamičnaha sajuza», — adznačyŭ A.Łukašenka.
«Ja žorstka pastaviŭ pytańnie: nu čamu? A tamu, što biełaruskija aŭtapieravozčyki na hałavu vyšej rasijan i kazachaŭ, ź imi niemahčyma kankuravać», — raspavioŭ Łukašenka ab svajoj hutarcy z rasijskim i kazachstanskim kalehami.
«Ja skazaŭ: voś štuka, nievialikaja Biełaruś zadušyła vialikuju Rasiju», — praciahnuŭ A.Łukašenka.
«Sapraŭdy, u hetym jość vialiki sens: našy aŭtapieravozčyki pa-za kankurencyjaj na postsavieckaj prastory, i nie tolki, — u Jeŭropie»,— padkreśliŭ biełaruski kiraŭnik.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary