Kaho z aktyvistaŭ pasadziać nastupnym? Źjaviŭsia palityčny tatalizatar.
Pierad pačatkam čempijanatu śvietu pa chakiei ŭ internecie zapracavaŭ sajt totalitizator.com, dzie možna zrabić staŭku, kaho z hramadskich aktyvistaŭ nastupnym pasadziać na sutki.
Na sajcie nielha zarabić hrošy. Zrobleny jon z metaj pryciahnieńnia ŭvahi da pytańniaŭ pravoŭ čałavieka ŭ Biełarusi.
Pieršy krok vybrać kahości z aktyvistaŭ, naprykład, Paŭła Vinahradava ci Mikołu Dziemidzienku. Možna pračytać karotku bijahrafiju. A paśla abrać datu zatrymańnia, termin źniavoleńnia i artykuł pa jakim budzie siadzieć małady čałaviek. Viadziecca taksama dziońnik tatalizatara: śpis asob, jakija ŭžo atrymali terminy źniavoleńnia.
Aŭtar idei — rekłamny kansultant Julija Laškievič. Dyzajn sajta raspracavaŭ Staś Karpaŭ. «Mnohija maje siabry nie vieryli, što pierad čempijanat śvietu buduć previentyŭnyja aryšty.
A ludziej sadžajuć na sutki adzin za adnym. I nijakaha intaresu heta nie vyklikaje, bo Ukraina adciahnuła ŭsiu ŭvahu. Nichto navat nie robić pierapostaŭ u fejsbuku. Mianie pytajucca, ci nie liču ja hetuju ideju cyničnaj. Nie, jana mienš kudy mienš cyničnaja za dziejańni ŭładaŭ, što aryštoŭvajuć ludziej. Forma tatalizatara pierad čempijanatam śvietu abranaja nievypadkova, bo sport i bukmiekierskija staŭki zaŭsiody iduć pobač. Heta važna dla aryštavanych ludziej, pakazać, što pra ich pamiatajuć», — kaža Julija Laškievič.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary