Z 9 pa 25 maja ŭ suviazi z praviadzieńniem čempijanatu śvietu pa chakiei z šajbaj abmiažoŭvajecca vykarystańnie pavietranaj prastory radyusam 50 km vakoł Minska.
Jak paviedamlaje ŭpraŭleńnie arhanizacyi zabieśpiačeńnia hramadskaj biaśpieki na abjektach transpartu MUS Biełarusi, hetaja miera vyklikana pierš za ŭsio nieabchodnaściu arhanizavać biaśpieku ŭdzielnikaŭ čempijanatu, balelščykaŭ, turystaŭ, a taksama haściej horada, jakija prybyvajuć šmatlikimi čartarnymi i płanavymi rejsami ŭ aeraporty biełaruskaj stalicy.
U suviazi z hetym ŭ nazvany pieryjad orhanami arhanizacyi biaśpieki pavietranaha ruchu rekamiendujecca ŭsim karystalnikam pavietranaj prastory, uklučajučy piłotaŭ-amataraŭ, pry vykanańni palotaŭ nie parušać ustanoŭlenyja miežy zabaronnaj zony, a pa mahčymaści ŭstrymacca ad vykanańnia palotaŭ.
Akramia taho, nie tak daŭno na rynku radyjokiravanych cacak źjavilisia latalnyja aparaty — kvadrakoptary (viertaloty), jakija paśpieli zavajavać vialikuju papularnaść siarod nasielnictva krainy.
U svaju čarhu ich vykarystańnie ŭ miescach praviadzieńnia masavych mierapryjemstvaŭ i na abjektach čempijanatu moža pryvieści da vypadkaŭ traŭmavańnia hramadzian, adznačajecca ŭ paviedamleńni MUS.
Z metaj vyklučeńnia takich vypadkaŭ milicyja źviartaje ŭvahu baćkoŭ na dadatkovy kantrol pa vykarystańni takich latalnych aparataŭ dziećmi i padletkami, asabliva napiaredadni i ŭ pieryjad praviadzieńnia chakiejnych matčaŭ.
«Vykanańniu hetych elemientaŭ arhanizacyi biaśpieki hramadzian pravaachoŭnymi orhanami i orhanami arhanizacyi pavietranaha ruchu budzie nadadziena samaja pilnaja ŭvaha, — havorycca ŭ paviedamleńni. — Pierakanaŭča prosim u pieryjad praviadzieńnia čempijanatu śvietu pa chakiei vykonvać dziejnaje zakanadaŭstva ŭ pytańniach vykarystańnia pavietranaj prastory, a taksama pa mahčymaści abmiežavać prymianieńnie ŭsich vidaŭ avijamadelej, radyjokiravanych cacak i zapusk roznaha rodu pavietranych šaroŭ».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary