Kontrraźviedka Słužby biaśpieki Ukrainy vyśvietliła realnaje imia i proźvišča adnaho z klučavych udzielnikaŭ złačynnaj dyviersijnaj hrupy «Strałka» — «Abviera».
Jak paviedamili ŭ SBU, dyviersantam z pazyŭnym «Abvier» («Adler»), jaki faktyčna źjaŭlajecca pravaj rukoj « Strałka», źjaŭlajecca hramadzianin RF Zdryluk Siarhiej Anatoljevič.
«Heta asoba maje taksama pašpart hramadzianina Ukrainy. Zdryluk S.A naradziŭsia 23 lipienia 1972 h u Vińnickaj vobłaści, doŭhi čas žyŭ u Krymie. Mienavita na terytoryi AR Krym jon prajšoŭ śpiecpadrychtoŭku i 12 krasavika 2014 u składzie hrupy «Strałka» prybyŭ u Danieckuju vobłaść dla ŭdziełu ŭ maštabnaj dyviersijnaj apieracyi i teraryzavańnia mirnaha nasielnictva», — zajavili ŭ SBU.
Taksama Słužba biaśpieki vyśvietliła, što «Abvier» razam z členami raźviedvalna-dyviersijnaj hrupy ŭ składzie bolš za 30 čałaviek pad kamandavańniem Strałkova 13 krasavika 2014 hoda ździejśnili ŭzbrojeny napad na supracoŭnikaŭ SBU, padčas jakoha zahinuŭ adzin supracoŭnik SBU i troje byli paranienyja.
Taksama ŭstanoŭlena dačynieńnie «Abviera» da vykradańnia ŭ Danieckaj vobłaści pradstaŭnikoŭ ABSIE.
« U miežach kryminalnaj vytvorčaści № 22014000000000117 (častka 1 artykuła 258-3 ) SBU prymaje ŭsie miery dla zatrymańnia hetaha złačynca i pryciahnieńnie jaho da adkaznaści», - adznačyli ŭ SBU.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary