Ukrainskija ultras razhramili łahier prarasijskich šturmavikoŭ u Adesie. 46 čałaviek zahinuła
Amal usie zabityja — sieparatysty.
Kryvavyja padziei raspaŭsiudzilisia z Danbasa na Adesu, na zachodni kraj abvieščanaj Pucinym «Navarosii».
Siońnia prarasijskija šturmaviki sprabavali razahnać šeście za adzinuju Ukrainu. Jany ŭžyli pistalety i traŭmatyčnuju zbroju.
Udzielniki šeścia adkazali siłaj na siłu.
Pryčym jany nie spynilisia na vulicy. Jany atačyli i razhramili łahier rasijskich šturmavikoŭ na Kulikovym poli.
U sutyčkach zahinuli 3 abo pa inšych źviestkach 4 čałavieki.
Ultras spalili namiotavaje miastečka prarasijskich aktyvistaŭ na Kulikovym poli. Ahoń raspaŭsiudziŭsia na Dom prafsajuzaŭ, zaniaty sieparatystami. U vyniku ŭ pažary zahinuŭ prynamsi 33 čałavieki.
Jak paviedamlaje adeski mastak Alaksandr Rojtburd u fejsbuku, siarod tych, što zahinuli, 15 hramadzian Rasii, 10 žycharoŭ Prydniastroŭja. Milicyja abviarhaje hetuju zajavu, kaža, što dadzienych pra toje, kim byli zahinułyja, pakul niama.
Ukrainskija aktyvisty narakajuć, što milicyja nie reahavała na najaŭnaść u prarasijskich šturmavikoŭ zbroi. Taksama jany źviarnuli ŭvahu na adnolkavuju stužki na rukavach u šturmavikoŭ i milicyi. Na fotach nižej:
Adnačasova pryjšli paviedamleńni pra novych zabitych pad Słavianskam ukrainskich vajskoŭcaŭ.
Tut nižej — infarmacyja pra padziei ŭ Adesie anłajn.
U Adesie (Ukraina) padčas pažaru na Kulikovym poli ŭ Domie prafsajuzaŭ zahinuŭ 31 čałaviek.
Jak paviedamlaje adździeł suviaziaŭ z hramadskaściu HU MUS Ukrainy ŭ Adeskaj vobłaści, 31 čałaviek zahinuŭ, atruciŭšysia čadnym hazam abo kali vyskačyŭ z voknaŭ, ratujučysia ad pažaru.
Va ŭpraŭleńni milicyi adznačajuć, što da daktaroŭ pa dapamohu źviarnulisia 50 čałaviek, ź ich 10 milicyjantaŭ. Rabotnikam DSNS užo ŭdałosia patušyć pažar.
21:47
Ahniom achopleny druhi i čaćviorty pavierch 5-paviarchovaha budynka. Niekatoryja, ratujučysia ad ahniu, pačali vyskokvać z vybitych voknaŭ. Kolkaść zahinułych udakładniajecca. Na ziamli lažyć šmat nieruchomych ciełaŭ, niekatoryja nakryty ściahami Ukrainy. Z budynka pa praŭkrainskim aktyvistamich viali prycelny ahoń z ahniastrelnaj zbroi.
Na miesca prybyli ratavalniki, mašyny chutkaj dapamohi, milicyja, a taksama hrupa śpiecpadraździaleńnia, jakaja zatrymała niekalki sieparatystaŭ.
Jak paviedamlajuć pradstaŭniki milicyi, sutyknieńni na Kulikovym poli praciahvajucca, bolš za 30 čałaviek zatrymanyja i dastaŭlenyja ŭ rajadździeły milicyi.
Siońnia ŭ Adesie praŭkrainskija aktyvisty likvidavali na Kulikovym poli łahier sieparatystaŭ, jakija zabarykadavalisia ŭ budynku Doma prafsajuzaŭ. Antymajdanaŭcy schavalisia ŭ budynku i adstrelvalisia, a taksama kidali kamiani. Aktyvisty vybili ŭvachodnyja dźviery i ŭvarvalisia ŭ budynak.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary