Abama: Mierkavańnie Pucina pavinna ŭličvacca, ale…

Mierkavańnie Pucina ab adnosinach z Ukrainaj pavinna ŭličvacca, ale zdahadki ab pravie parušać suvierenitet inšaj krainy niedapuščalnyja, zajaviŭ u piatnicu na pres-kanfierencyi pa vynikach pieramovaŭ z Anhiełaj Mierkiel prezident ZŠA Barak Abama. Jahonyja słovy cytujuć infarmacyjnyja ahienctvy.

Barak Abama ŭpeŭnieny, što mierkavańnie prezidenta Rasii Uładzimira Pucina ab adnosinach z Ukrainaj pavinna prymacca pad uvahu, ale nie moža prymacca pad uvahu dumka Pucina, što ŭ jaho jość prava parušać suvierenitet inšaj dziaržavy.

«U Rasii jość zakonnaja cikavaść u dačynieńni da taho, što adbyvajecca za susiednimi dźviaryma. Pamiž Ukrainaj i Rasijaj isnuje hłybokaja i składanaja historyja adnosin, i, viadoma, mierkavańnie spadara Pucina pavinna być pryniata pad uvahu. Ale što nie moža być pryniata pad uvahu, dyk heta toje, što spadar Pucin miarkuje, jak na słovach, tak i na spravie, što ŭ jaho jość prava parušać suvierenitet inšaj krainy, parušać jaje terytaryjalnuju cełasnaść, dyktavać ekanamičnuju palityku ci zamiežnuju palityku suvierennaj krainy. Heta nieprymalna», — zajaviŭ Abama ŭ piatnicu ŭ Vašynhtonie na pres-kanfierencyi, jakaja adbyłasia pa zakančeńni sustrečy z kanclerkaj FRH Anhiełaj Mierkiel.

Abama padkreśliŭ, što kropka hledžańnia ZŠA «z samaha pačatku zaklučałasia ŭ tym, što ŭkraincy mohuć pryniać svajo ŭłasnaje rašeńnie». «Ja ŭpeŭnieny, što, kali b ukraincam dazvolili pryniać svajo ŭłasnaje rašeńnie, jany b vybrali jak dobryja adnosiny z Rasijaj, tak i dobryja adnosiny ź Jeŭropaj, što jany chacieli b handlavać z Rasiejaj i chacieli b handlavać ź Jeŭropaj. Ale čaho jany nie mohuć pryniać, i heta zrazumieła, heta taho, što jany źjaŭlajucca prosta apiendyksam, praciaham Rasii», — zajaviŭ amierykanski prezident.

Pry hetym Abama nazvaŭ «adnoj z najbolšych zaniepakojenaściaŭ niaspynnuju rasiejskuju prapahandu, jakaja śćviardžaje, što ŭkrainskaje kiraŭnictva niasie adkaznaść za prablemy va ŭschodniaj Ukrainie». «Ukrainskaje kiraŭnictva prademanstravała redkasnuju strymanaść u hetym pracesie. Niapraŭda, što na ŭschodzie Ukrainy adbyvajecca spantannaje paŭstańnie — jość dokazy ab dobra arhanizavanych, navučanych i ŭzbrojenych apałčencach z mahčymaściami źbivać viertaloty», — udakładniŭ prezident ZŠA.

«Niamieckaj aŭdytoryi, jakaja prysłuchoŭvajecca da rasijskaha telebačańnia, ja b raiŭ fakusavacca na faktach i na tym, što adbyvajecca na miescach. Spadar Pucin kazaŭ, što rasiejskich vajskoŭcaŭ nie byli ŭ Krymie, a praź niekalki tydniaŭ jon pryznaje, što tam byli jahonyja chłopcy. My spadziajomsia, što Pucin uśviedamlaje, što dla jaho jość šlach u kirunku dobrych adnosin z Ukrainaj, ź Jeŭropaj i ZŠA. Ale hetaha nielha dasiahnuć z dapamohaj takich dziejańniaŭ, jakija my bačym va ŭschodniaj Ukrainie», — upeŭnieny Abama.

• 0
• 0
• 0
• 0
• 0