Siły antyterarystyčnaj apieracyi ŭ niekalki razoŭ pieravyšajuć siły terarystaŭ, tamu apošnija nie zmohuć pieramahčy «biez dapamohi». Pra heta paviedamiŭ sam Hirkin u intervju RIA «Novosti».
«Kali my nie ŭtrymajem horad, my ŭsie zahiniem, heta całkam zrazumieła. Ja abiacaŭ, i maje ludzi abiacali, što my nie pakiniem Słaviansk. Pa majoj acency, siły praciŭnika, jakija skancentravany vakoł Słavianska, pieravyšajuć našy ŭ niekalki razoŭ, i sami my horad nie ŭtrymajem», — skazaŭ Hirkin-Strałkoŭ.
«My budziem trymacca da kanca, ale kali nie budzie padtrymki, nas źniščać», — adznačyŭ jon.
Jon taksama adznačyŭ, što padtrymlivaje «suviaź u Maskvie tolki sa svaimi siabrami, nichto ź ich nie ŭvachodzić u palityčnyja elity».
Raniej SBU apublikavała materyjały, jakija dakazvajuć, što uzbrojenych bajevikoŭ-sieparatystaŭ kuryruje pałkoŭnik HRU Hienštaba US Rasii Ihar Hirkin, jaki dziejničaje pad psieŭdanimam «Strałkoŭ». Siarod apublikavanych dadzienych byŭ i adras prapiski dyviersanta ŭ Maskvie, dzie paśla hetaha pabyvali ŭkrainskija žurnalisty.
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka48
Kamientary