 |
10.01 U škłoŭskaj kalonii a 10-j hadzinie musiŭ raspačacca praces nad Źmitrom Daškievičam. Adnak pakul u budynak nie puścili advakata Alaksandra Halijeva. Kala kalonii sabrałosia čałaviek 15: baćka Źmitra Viačasłaŭ Daškievič, niekalki aktyvistaŭ, pradstaŭnik ambasady ZŠA i aperatar BT.
10.40 Praces u spravie Źmitra Daškieviča praciahniecca 9 listapada a 9-j hadzinie.
Pasiedžańnie pieraniesienaje pavodle farmalnaj pryčyny. Pavodle zakanadaŭstva, abvinavačany musić atrymać paviedamleńnie pra pryznačeńnie sudovaha pracesu nie paźniej jak za 5 sutak da jaho pačatku. Źmicier Daškievič daviedaŭsia pra datu pasiedžańnia 1 listapada, i na siońniašniuju ranicu poŭnych 5 sutak jašče nie minuła.
Advakat Halijeŭ bačyŭsia z Daškievičam, pavodle jahonych słoŭ, Źmicier vyhladaje badziora, nie chvareje.
Baćka ž Źmitra nastrojeny pesymistyčna:
«Nie chaču być złym prarokam, ale, bajusia, ŭpajajuć Źmitru pa poŭnaj…»
Chłopca abvinavačvajuć u parušeńni artykułu 402 KK «Admova albo ŭchileńnie śviedki ad davańnia pakazańniaŭ». Letam Źmicier kateharyčna admoviŭsia davać pakazańni suprać svaich siabroŭ z «Maładoha frontu», u pryvatnaści suprać Ivana Šyły. Pavodle hetaha artykułu Daškievič moža atrymać jašče paŭhodu turmy. Za stalinskim časam za takoje davali da 25 hadoŭ lahieraŭ.
Ciapier Źmicier Daškievič adbyvaje paŭtarahadovaje źniavoleńnie ŭ škłoŭskaj papraŭčaj kalonii. Jaho asudzili 1 listapada 2006 h. za ŭdzieł u niezarehistravanaj arhanizacyi. Na volu chłopiec musiŭ vyjści 15 sakavika.
 Padtrymać Daškieviča pryjechali aktyvisty "Maładoha Frontu" z Mahilova, Miensku i Salihorsku |
 Viačasłaŭ Daškievič pryjechaŭ na praces syna sa Starych Darohaŭ. Ale prysutničać na sudzie jamu nie dazvolili |
 |
 Čałaviek, jaki nazyvaŭ siabie pradstaŭnikom vykankamu (źleva), ni na krok nie adychodziŭ ad v.a. namieśnika kiraŭnika dyplamatyčnych misijaŭ ambasady ZŠA Łuisa Kryšaka (sprava). Usich prysutnych filmavali niekalki čałaviek u cyvilnym |
 Advakat Alaksandr Halijeŭ paviedamlaje prysutnym pra pieranos pracesu /td> |
 VK-17, Škłoŭ |
