Sikorski: Heta kaniec epochi, kali zdavałasia, što vajna ŭ Jeŭropie niemahčymaja
Najlepšy sposab paźbiehnuć va Ukrainie hvałtu — heta admovicca ad spansavańnia sieparatyzmu.
Pra heta zajaviŭ ministr zamiežnych spraŭ Polščy Radasłaŭ Sikorski ŭ adkaz na zajavu kiraŭnika rasijskaha źniešniepalityčnaha viedamstva Siarhieja Łaŭrova pra toje, što hvałt na poŭdni i ŭschodzie Ukrainy robić niemahčymym praviadzieńnie sumlennych i prazrystych prezidenckich vybaraŭ.
Vystupajučy pierad studentami ŭ Poznani, ministr adznačyŭ, što padziei va Ukrainie — heta zaviaršeńnie epochi «paśla chałodnaj vajny».
«Heta kaniec epochi, kali zdavałasia, što vajna ŭ Jeŭropie niemahčymaja. Siońnia my žyviem u Jeŭropie, u jakoj upieršyniu paśla Druhoj suśvietnaj vajny adna jeŭrapiejskaja dziaržava zabrała terytoryju ŭ inšaj jeŭrapiejskaj krainy», — adznačyŭ jon.
Ministr taksama adkazaŭ na pytańni studentaŭ, ci vierahodnaja akupacyja Rasijaj inšych terytoryj, pryčym nie tolki va Ukrainie:
«Spadziajusia, što nie, ale bajusia, što tak».
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy5
Kamientary