Nacbank Ukrainy prypyniŭ svaju dziejnaść u Danieckaj vobłaści z-za pahroz «začystki» z boku «DNR»
Nacbank Ukrainy prypyniŭ pracu Upraŭleńnia ŭ Danieckaj vobłaści z-za pahroz «začystki» z boku sieparatystaŭ, paviedamili ŭ pres-słužbie Nacbanka.
«Siońnia ŭ adras kiraŭnictva terytaryjalnaha upraŭleńnia ad imia pradstaŭnikoŭ samaabvieščanaj Danieckaj narodnaj respubliki pastupiła patrabavańnie vydać značnuju sumu hrošaj najaŭnymi. U vypadku nievykanańnia patrabavańnia sieparatysty pryhrazili ažyćciavić «začystku» Upraŭleńnia», — paviedamili ŭ Nacbanku.
U suviazi z hetym kiraŭnictva Nacbanka pryniało rašeńnie evakuiravać supracoŭnikaŭ terytaryjalnaha upraŭleńnia i prypynić ažyćciaŭleńnie bankaŭskich raźlikaŭ na terytoryi Danieckaj vobłaści.
«Takija dziejańni sieparatystaŭ robiać niemahčymaj pracu bankaŭskaj sistemy rehijonu, što ŭ svaju čarhu moža pryvieści da prypynieńnia vypłaty piensij, zarobkaŭ pracaŭnikam biudžetnaj śfiery, šachcioram, inšym katehoryjam hramadzian», — havorycca ŭ paviedamleńni pres-słužby.
Stała taksama viadoma, što 15 traŭnia kala 16-00 ŭ rajonie Jenakijeva bajeviki DNR» napali na inkasatarski aŭtamabil PryvatBanka.
U zachoplenym inkasatarskim aŭto znachodziłasia bolš za 1,5 młn hrn, pryznačanych dla metavych vypłat zarobkaŭ biudžetnikam.
U vyniku takich dziejańniaŭ bajavikoŭ DNR bolš za 3000 šachcioraŭ, miedykaŭ i nastaŭnikaŭ horada nie zmohuć atrymać zarobak.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary