Składskija zapasy biełaruskich pradpryjemstvaŭ u krasaviku pavialičylisia na 1,4 trłn. rubloŭ i pa stanie na 1 maja dasiahnuli 83,5% da miesiačnaha abjomu pramysłovaj vytvorčaści.
Jak śviedčać danyja aficyjnaj statystyki, ahulny abjom składskich zapasaŭ na pačatak maja ŭ hrašovym vyražeńni skłaŭ 35,2 trłn. rubloŭ (suprać 33,8 trłn. rubloŭ — na 1 krasavika).
Varta adznačyć, što rost zapasaŭ hatovaj pradukcyi ŭ krasaviku adbyŭsia na fonie źnižeńnia (na 7,7% u paraŭnańni z sakavikom) abjomu pramysłovaj vytvorčaści.
Samy vialiki ŭniosak u pryrost składskich zapasaŭ u krasaviku zrobleny pradpryjemstvami, padviedamasnymi Ministerstvu pramysłovaści, Ministerstvu sielskaj haspadarki i charčavańnia i dziaržkancernu «Biellehpram».
Rost tavarnych zapasaŭ zafiksavany ŭ čatyroch abłaściach Biełarusi i ŭ Minsku. Pry hetym najbolšy abjom tavarnych zapasaŭ tradycyjna skłaŭsia ŭ stalicy, dzie znachodziacca bujnyja pradpryjemstvy biełaruskaha mašynabudavańnia.
Tak, pa stanie na 1 maja ŭzrovień tavarnych zapasaŭ na pradpryjemstvach Minska skłaŭ 136,3% da miesiačnaha abjomu vytvorčaści (suprać 127,5% — na 1 krasavika), u Minskaj vobłaści — 115,2% (hetulki ž, kolki ŭ krasaviku), u Bresckaj — 86,2% (81%), Hrodzienskaj — 82,1% (76,3%), Mahiloŭskaj — 81,2% (83,9%).
Najmienšy ŭzrovień składskich zapasaŭ na pačatak maja byŭ zafiksavany ŭ Homielskaj i Viciebskaj abłaściach — 46,8% i 41,6% ad miesiačnaha abjomu vytvorčaści adpaviedna (na 1 krasavika — 46,7% i 37,3%).
«Hałoŭnaje — heta vopyt!» Łukašenka nazvaŭ, kaho bačyć nastupnym prezidentam14
Kamientary