Milicyja Hrodzienskaj vobłaści źviarnułasia da nasielnictva pa dapamohu ŭ vyšuku zabojcy pradaŭcoŭ kramy ŭ Lidzie.
Nahadajem, uviečary 15 vieraśnia 2013 hoda ŭ Lidzie było ździejśniena žorstkaje zabojstva. Kala charčovaj kramy na ŭskrainie horada z šmatlikimi cialesnymi paškodžańniami byli znojdzieny cieły dvuch žančyn, pradaŭcoŭ hetaha abjekta handlu, 1968 i 1957 hadoŭ naradžeńnia. Padčas ahladu miesca zdareńnia vyjaŭleny kradziež z kramy kala 35 miljonaŭ rubloŭ i śpirtnych napojaŭ. Pa fakcie zabojstva z asablivaj žorstkaściu z karyślivych mierkavańniaŭ dvuch asob USK pa Hrodzienskaj vobłaści raspačata i rasśledujecca kryminalnaja sprava.
Upraŭleńnie kryminalnaha vyšuku UUS Hrodzienskaha abłvykankama paviedamlaje, što
ŭ ździajśnieńni dadzienaha złačynstva padazrajecca mužčyna, na vyhlad jamu 25-30 hadoŭ. Rost prykładna 180-185 sm, vałasy śvietłyja, pry chadzie horbicca, chudarlavaha ciełaskładu. Byŭ apranuty ŭ čornuju kurtku z kapiušonam, ciomnyja džynsy, znošanyja śpieradu, krasoŭki śvietłaha koleru.
«Kali vam viadoma što-niebudź pra abstaviny złačynstva ci asobu, jakaja moža być datyčnaj da jaho ździajśnieńnia, prośba patelefanavać pa telefonach u horadzie Lida (0-01545) 520780, 521626, 520202 abo 102, albo pa mabilnym telefonie 3500102 (Velcom ). Kanfidencyjnaść i ŭznaharodžańnie harantujucca», - havorycca ŭ paviedamleńni na sajcie UUS.
