Biełaruś nie budzie admaŭlacca ad udziełu ŭ jeŭrapiejskim piesiennym konkursie «Jeŭrabačańnie». Pra heta ŭ razmovie z karespandentam Jeŭraradyjo paviedamiŭ vice-premjer Anatol Tozik. Jon adznačyŭ, što kali Rasija ŭsio ž arhanizuje ŭłasny alternatyŭny konkurs «Hałasy Jeŭrazii», to naša kraina paŭdzielničaje i ŭ im.
Nahadajem, staršynia parłamienckaj kamisii pa žyllovaj palitycy i budaŭnictvie Uładzimir Puzyreŭski źviarnuŭsia da ŭradu z prapanovaj admovicca ad «Jeŭrabačańnia».
«Konkurs pieśni «Jeŭrabačańnie» z hoda ŭ hod usio bolš palityzujecca. Rašeńni prymajucca pad upłyvam palityčnych ambicyj. Hałasavańnie mnohich krain nie stavić na pieršaje miesca prafiesijanalizm vykanańnia, a ažyćciaŭlajecca pad upłyvam palityčnych pieravah. Akramia taho, u Jeŭropie adbyvajecca razmyvańnie miežaŭ pamiž mužčynam i žančynaj, što pryvodzić da zaniapadu tradycyjnych siamiejnych kaštoŭnaściaŭ i źjaŭlajecca surjoznym udaram pa tradycyjnych hramadskich adnosinach. Usio heta ŭ kančatkovym vyniku pryviadzie da demahrafičnaj katastrofy», — pryvodzić słovy deputata «Komsomolskaja pravda v Biełarusi».
Zamiest «Jeŭrabačańnia» Uładzimir Puzyreŭski prapanuje padtrymać rasijskich parłamientaryjaŭ u ich žadańni stvaryć alternatyŭny konkurs «Hałasy Jeŭrazii».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary