U Arciomaŭsku Danieckaj vobłaści hrupa ŭzbrojenych aŭtamatyčnaj zbrojaj nieviadomych kala poŭdnia raśsiarodziłasia kala budynku haradskoha vykankama.
Pra heta paviedamiŭ ahienctvu «Interfaks-Ukraina» śviedka.
Pavodle jaho słoŭ, kala 11.30 piatnicy «hrupa z kulamiotčyka i vaśmi aŭtamatčykaŭ, razam z pradprymalnikam Andrejem Hontaravym, jaki ŭdzielničaŭ u zachopie Ŭładarki (v. Praskoŭjeŭka, dzie ŭ siaredzinie sakavika prarasiejskija aktyvisty zabłakavali vyjezd z terytoryi rudnika i nie dazvolili ukrainskim vajennym vyvieźci zbroju sa składoŭ), faktyčna zachapili vykankam».
Pa słovach vidavočcy, pobač z vykankamam taksama znachodziacca supracoŭniki milicyi, adnak nijakich krokaŭ u dačynieńni da ŭzbrojenych asob nie robiać.
Na prachadnoj vykankama taksama znachodzicca dziažurny supracoŭnik milicyi, ale i jon nie reahuje na najaŭnaść nazvanych asob.
Adnak, pa słovach dziažurnaha ŭ adździele milicyi, jany «pracavać siońnia nie buduć».
«Sa zvarotami da pravaachoŭnikaŭ skazali źviartacca ŭ paniadziełak», — paviedamiŭ śviedka.
U štabie sieparatystaŭ Danbasa paviedamili, što ŭzbrojenyja asoby nie šturmujuć haradski saviet, a «pikietujuć» jaho z metaj sklikać pazačarhovuju siesiju.
«Ciapier iduć pieramovy z uładaj harsavieta. Nijakaha šturmu administracyjnaha budynka niama. U horadzie cišynia i spakoj», — zajavili rasijskamu «Interfaksu» ŭ štabie.
Pa słovach pradstaŭnikoŭ štaba, ciapier kala harsavieta Arciomaŭska znachodziacca kala 30 «aktyvistaŭ Danieckaj narodnaj respubliki».
Akramia taho, anałahičnyja pieramovy pradstaŭniki samaabvieščanaj «DNR źbirajucca pravodzić i ŭ hałoŭnym upraŭleńni milicyi Arciomaŭska.
-
Čynoŭnikam Jeŭrasajuza, jakija adpraŭlajucca ŭ ZŠA, vydajuć adnarazovyja telefony praz bojaź špijanažu
-
«Zrabili absalutna žachlivuju pracu». Tramp znoŭ abvinavaciŭ u pačatku vajny va Ukrainie Zialenskaha i Bajdena
-
Jeŭrapiejskija kampanii z-za palityki Trampa mohuć viarnucca da supracoŭnictva z «Hazpramam»
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary