Chočacie viercie — chočacie nie: bard Andrej Mielnikaŭ za vosiem hadoŭ pradkazaŭ trahiedyju na Niamizie
Siońnia spaŭniajecca 15 hadoŭ z dnia masavaj hibieli ludziej u centry Minska.
Bard Andrej Mielnikaŭ kaža, što «vyličyŭ» trahiedyju na Niamizie jašče ŭ 1991 hodzie, z dapamohaj astrałahičnych technik. i sapraŭdy: u niekalkich svaich intervju siaredziny 90-ch jon kaža pra toje, što na Niamizie maje adbycca štości žachlivaje. Praŭda, dakładna vyznačyć hod zdareńnia jon nie zdoleŭ.
«Na pačatku 90-ch ja zajmaŭsia ŭ škole Paŭła Hłoby, — raskazvaje Mielnikaŭ. — Jon nie vučyŭ pradkazalnaj astrałohii, ale davaŭ mahčymaści zajmacca hetym samomu.
I voś tak syšłosia, čto ŭ mai 1991 hoda ja vyličyŭ i atrymaŭ paćvierdžańnie trahiedyi, jakaja musiła adbycca na Niamizie. Ci ŭ mietro, ci ŭ padziemnym pierachodzie.
Ja źviazaŭsia ź Minharvykankamam. Spačatku mnie nie vieryli. Ale, vidać, u mianie byŭ taki impet, taki nacisk viery, što sa mnoju pahadzilisia i zładzili pravierku. I sapraŭdy, znajšli niejkija drobnyja niedachopy na stancyi mietro «Niamiha». Adnak ničoha surjoznaha.
Ale prajšło 8 hadoŭ, i ŭ mai 1999-ha adbyłasia trahiedyja. Ja dobra pamiataju hety dzień. Ja chryściŭsia ŭ hety dzień u Babry, Aleś Puškin byŭ maim chrosnym baćkam. Alesiu było treba jechać u Minsk, vieźci eskizy Alaksieju Maračkinu. A Maračkin u toj čas žyŭ la Niamihi. I Aleś nastupnaj ranicaj pieršaj elektryčkaj pajechaŭ u Minsk, išoŭ tym pierachodam i bačyŭ nastupstvy… Ja ž pajechaŭ u inšy bok, i taja zaleva, jakaja zahnała ludziej u pierachod, nahnała mianie dzieści pad Oršaj.
Da chryščeńnia ja zajmaŭsia pradkazańniami, ale potym kinuŭ. Heta hrech».
* * *
30 maja 1999 u padziemnym pierachodzie na Niamizie adbyłasia masavaja ciskanina, achviarami jakoj stali 53 čałavieki. U hety dzień, na Trojcu, na bierazie Śvisłačy adbyvałasia śviata piva i prymierkavany da jaho kancert rasijskaha hurtu «Manha-Manha». Raptam pačałasia navalnica z bujnym hradam. Kala dvuch z pałovaj tysiač maładych ludziej pasprabavali schavacca ad niepahadzi ŭ padziemnym pierachodzie. U vyniku ciskaniny zahinuła 53 čałavieki, siarod jakich było 40 dziaŭčat i dva supracoŭniki milicyi. Bolšaść zahinułych - maładyja ludzi ŭ vieku ad 14 da 20 hadoŭ. Bolš za 150 čałaviek atrymali roznyja ranieńni.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary