Francuz, jaki vyjhraŭ u łatareju, addaść 50 młn jeŭra na dabračynnaść
Žychar Francyi, jaki vyjhraŭ u łatareju EuroMillions bolš za 72 młn jeŭra, maje namier pieradać kala dźviuch tracin hetaj sumy na dabračynnaść. Jak piša The Guardian, mužčyna z departamienta Vierchniaja Harona źbirajecca raźmierkavać 50 młn jeŭra pamiž dziesiaćciu arhanizacyjami.
Jakija mienavita niekamiercyjnyja fondy atrymajuć hrošy, dakładna nieviadoma. Paviedamlajecca tolki, što novaśpiečany miljanier płanuje pieraličyć hrošy tym arhanizacyjam, jakija akazvajuć padtrymku ludziam, što znachodziacca ŭ niespryjalnych žyćciovych abstavinach.
Pra samoha ŭładalnika 72 młn jeŭra viadoma niašmat. Arhanizatar rozyhryšu, kampanija Francaise des Jeux paviedamiła presie, što mužčyna pažadaŭ zachavać inkohnita, dazvoliŭšy tolki raspavieści ŚMI, što jamu kala 50 hadoŭ i jon biaździetny. Ab siamiejnym stanoviščy mužčyny infarmacyi niama.
Rašeńnie pieramožcy EuroMillions vitali karystalniki sacsietak, a taksama sacyjołahi. Adzin ź ich, Deni Miuze, zajaviŭ, što ŭčynak miljaniera vielmi krasamoŭny: «Ciapier, kali hramadstva znachodzicca ŭ kryzisie i pošukach maralnych aryjenciraŭ, kali hrošy robiacca važniejšymi za ŭsio, jaho dziejańni majuć sens».
Rozyhryš, jaki prynios francuzu 72 młn jeŭra, adbyŭsia jašče ŭ lutym 2014 hoda. U pieramožcy było 60 dzion na toje, kab zajavić svaje pravy na pryz. Vidavočna, jon ukłaŭsia ŭ termin, adnak rašeńnie ab tym, što mienavita zrabić z vyjhryšam, pryniaŭ tolki ciapier.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary