Ukraina zajaviła ab pieraličeńni častcy zapazyčanaści za rasijski haz. Pra heta paviedamiŭ premjer-ministr Rasii Dźmitryj Miadźviedzieŭ.
«Pieramovy praciahvajucca (u Bierlinie), pakul istotnych vynikaŭ niama, ale našy ŭkrainskija partniory skazali, što pieraličyli peŭnuju častku sumy. Ale abaviazacielstvy ličacca vykananymi nie ŭ momant adpraŭki hrošaj, a ŭ momant ich zaličeńnia na rachunak kredytora — na rachunak pastaŭščyka hazu «Hazproma» », — cytuje Miadźviedzieva ITAR - TASS.
Termin vypłaty «Naftahazam» častki zapazyčanaści ŭ pamiery $2 młrd za pastaŭleny rasijski haz skančajecca ŭ piatnicu, 30 maja. Hetaja data była vyznačana ŭ chodzie apošniaj trochbakovaj sustrečy Rasii, Ukrainy i ES 26 maja ŭ Bierlinie, kali była prapanavanaja kampramisnaja schiema dla ŭrehulavańnia situacyi ŭkrainskaha doŭhu za rasijski haz.
Miarkujecca, što da kanca tydnia «Naftahaz» pieraličyć «Hazpromu» $2 młrd, častkova apłaciŭšy takim čynam užo pastaŭleny haz, a nie paźniej za 7 červienia — uniasie jašče $500 młn u jakaści pieradapłaty za červieńskija pastaŭki, paviedamlaje telekanał «Dožd́».
Ukrainski bok zakryŭ tyja rachunki, jakija źjaŭlajucca biassprečnymi ŭ adnosinach z «Hazpromam». Heta vyklučna tyja rachunki, dzie vyznačanaja cana ŭ $268, napisaŭ u svaim tvitary ŭkrainski premjer Arsień Jacaniuk.
-
Čynoŭnikam Jeŭrasajuza, jakija adpraŭlajucca ŭ ZŠA, vydajuć adnarazovyja telefony praz bojaź špijanažu
-
«Zrabili absalutna žachlivuju pracu». Tramp znoŭ abvinavaciŭ u pačatku vajny va Ukrainie Zialenskaha i Bajdena
-
Jeŭrapiejskija kampanii z-za palityki Trampa mohuć viarnucca da supracoŭnictva z «Hazpramam»
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary