Śledčy kamitet Rasijskaj Fiederacyi ŭzbudziŭ kryminalnuju spravu ŭ dačynieńni da ŭkrainskich vajskoŭcaŭ pa artykule «prymianieńnie zabaronienych srodkaŭ i mietadaŭ viadzieńnia vajny».
Pra heta paviedamlaje aficyjny sajt SK RF.
«Hałoŭnym śledčym upraŭleńniem SK RF ŭzbudžanaja kryminalnaja sprava ŭ dačynieńni da pakul nieŭstanoŭlenych vajennasłužačych Uzbrojenych sił Ukrainy, a taksama asob ź liku «Nacyjanalnaj hvardyi Ukrainy» i «Pravaha siektara» pa faktach abstrełaŭ haradoŭ Słaviansk, Kramatorsk, Danieck, Maryupal i inšych nasielenych punktaŭ, abvieščanych Danieckaj i Łuhanskaj narodnych Respublik», — skazana ŭ paviedamleńni.
Na dumku Rasii, ukrainskija vajskoŭcy, «naŭmysna, z metaj zabojstva mirnych hramadzian užyvali zbroju, artyleryju, avijacyju, branietankavaje ŭzbrajeńnie i techniku».
U paviedamleńni taksama zajaŭlajecca: «Kali palityki ŭ Kijevie ci na Zachadzie ličać za lepšaje žyć unutry prapahandysckaj virtualnaj realnaści, u kazcy pra novuju sukienku karala, heta ich prablemy».
«Ale my ŭ Rasii nie źbirajemsia admaŭlacca ad ćviarozaha pohladu na fakty, u tym liku na abjektyŭnuju realnaść raspadu i niazdolnaści dziaržavy na Ukrainie abaranić pravy i svabody hramadzian», — zajaŭlaje SK RF.
«I kali siońnia ŭ śviecie niama nivodnaj dziaržavy, jakaja zdolnaja pryznać vidavočnaje, što dziejańni ŭładaŭ Ukrainy złačynnyja, to Śledčy kamitet Rasii, uzbudžajučy kryminalnuju spravu, biare na siabie takuju adkaznaść», — skazana ŭ zajavie.
Tak zvany premjer-ministr «Danieckaj narodnaj respubliki» Alaksandr Baradaj ŭ čaćvier zajaviŭ, što ŭ vyniku vyzvaleńnia siłami ATA aeraporta Daniecka zahinuli 34 bajevika.
Jon dadaŭ, što ŭ Rasiju byli adpraŭlenyja cieła 34-ch «dobraachvotnikaŭ z RF», jakija zahinuli ŭ vyniku bajavych dziejańniaŭ u aeraporcie.
U čaćvier v.a. prezidenta Ukrainy paviedamiŭ, što ŭ vyniku abstrełu z rasijskaj zbroi, upaŭ ŭkrainski viertalot i zahinuli 14 vajskoŭcaŭ.
U Dziarždepie ZŠA zajaŭlali, što Ukraina maje prava ŭžyvać siłu dla zabieśpiačeńnia paradku va ŭschodnich abłaściach krainy.
-
Čynoŭnikam Jeŭrasajuza, jakija adpraŭlajucca ŭ ZŠA, vydajuć adnarazovyja telefony praz bojaź špijanažu
-
«Zrabili absalutna žachlivuju pracu». Tramp znoŭ abvinavaciŭ u pačatku vajny va Ukrainie Zialenskaha i Bajdena
-
Jeŭrapiejskija kampanii z-za palityki Trampa mohuć viarnucca da supracoŭnictva z «Hazpramam»
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary