Restaŭrataram naležyć vyvučyć i zachavać staražytny žyvapis na płoščy bolš za 300 m².
 |
U Połacku rasiejskija restaŭratary znoŭ pačali pracu pa uznaŭleńni fresak Spasa‑Praabraženskaj carkvy.
Rasiejskija restaŭratary znoŭ pačali pracu pa uznaŭleńni fresak XII stahodździa ŭ Połackaj Spasa‑Praabraženskaj carkvie Spasa‑Eŭfrasińnieŭskaha manastyra, paviedamiŭ karespandentu BIEŁTA namieśnik dyrektarar kamunalnaha ŭnitarnaha pradpryjemstva «Ŭpraŭleńnie kapitalnaha budaŭnictva vobłaści» Uładzimier Połaŭcaŭ.
Na zaprašeńnie Ministerstva kultury Biełarusi ŭ staražytnym chramie pracujuć specyjalisty restaŭracyjnaj hrupy mižabłasnoha navukova‑restaŭracyjnaha mastackaha ŭpraŭleńnia pry Ministerstvie kultury Rasiei pad kiraŭnictvam kandydata mastactvaznaŭčych navuk Uładzimiera Sarabjanava. Hrupa specyjalizujecca na ŭznaŭleńni fresak XII‑XIV stahodździaŭ. Mastaki brali ŭdzieł u restaŭracyi pomnikaŭ u Suzdali, Noŭharadzie, Pskovie. U Połacku rasiejskija specyjalisty pracujuć ad pačatku hetaha hodu i ŭžo nadali pieršasny vyhlad bolš za 50 m² manumentalnaha žyvapisu. Paśla letniaha pierapynku jany praciahnuć raskryvać i ŭmacoŭvać freski ŭ ałtarnaj častcy chramu.
Pavodle słovaŭ Uładzimiera Połaŭcava, restaŭrataram jašče naležyć vyvučyć i zachavać staražytny žyvapis na płoščy bolš za 300 m².
Spasa‑Praabraženskaja carkva pa pravie ličycca perlinaj uschodniesłavianskaj kultury. U joj zastalisia niepaškodžanymi spradviečnyja rośpisy XII stahodździa — ad padłohi da samoha kupału, što dazvalaje ŭbačyć adziny ansambal unutranaha ŭbrańnia chramu. Pavodle słovaŭ specyjalistaŭ, na terytoryi Ŭschodniaj Eŭropy da našych dzion zachavaŭsia tolki adzin padobny pomnik — chram Mirožskaha manastyra ŭ Pskovie. U Spasa‑Praabraženskaj carkvie spačyvajuć moščy prapadobnaj zastupnicy biełaruskaj ziamli Eŭfrasińni Połackaj.
Ministerstva kultury ŭ 2008 hodzie maje namier inicyjavać uniasieńnie Spasa‑Praabraženskaj carkvy ŭ śpis suśvietnaj kulturnaj spadčyny JUNESKA.
«Hałoŭnaje — heta vopyt!» Łukašenka nazvaŭ, kaho bačyć nastupnym prezidentam14
Kamientary