Vopytna-ekśpierymientalny ŭčastak z cemientabietonnym pakryćciom praciahłaściu kala kiłamietra płanujecca ŭvieści na druhoj Minskaj kalcavoj aŭtadarozie da 1 žniŭnia, paviedamili ŭ pres-słužbie Ministerstva transpartu i kamunikacyj Biełarusi.
U ciapierašni čas Mintrans prapracoŭvaje mahčymaść uładkavańnia cemientabietonnaha pakryćcia na druhoj MKAD. «U hety ž čas chołdynh «Biełaŭtadar» uščylnuju zajmajecca pytańniem zakupki albo arendy adpaviednaj techniki i abstalavańnia, kab biełaruskija darožna-budaŭničyja tresty ŭžo ŭ bližejšy čas mahli ŭzvodzić cemientabietonnuju darohu ŭłasnymi siłami», — dadali ŭ pres-słužbie.
Bank raźvićcia Biełarusi ŭ 2014 hodzie prakredytuje budaŭnictva druhoj MKAD na Br400 młrd (heta zamacavana ŭ pastanovie Savieta Ministraŭ ad 12 maja 2014 hoda №446). Zhodna z pastanovaj urada №530 ad 30 maja, pahašeńnie asnoŭnaha doŭhu i vypłata pracentaŭ za karystańnie hetym kredytam budzie vykonvacca za košt respublikanskaha biudžetu.
U kancy lutaha 2014 h. Łukašenka daručyŭ praciahnuć budaŭnictva druhoj kalcavoj darohi vakoł horada Minska. Daroha budzie pabudavana častkova pa novym kirunku, a taksama z vykarystańniem isnujučych učastkaŭ aŭtadaroh. Ahulnaja jaje praciahłaść składzie kala 160 km. Na pieršym etapie budzie ŭźviedzieny ŭčastak ad aŭtadarohi M-3 Minsk — Viciebsk (rajon Astrašyckaha haradka) da aŭtadarohi M-6 Minsk — Hrodna (rajon Aksakaŭščyny) praciahłaściu kala 40 km.
