«Biełtelekam» płanuje ŭ červieni pravieści mierapryjemstvy pa baraćbie sa spam-rassyłkaj
RUP «Biełtelekam» płanuje ŭ červieni pravieści mierapryjemstvy, skiravanyja na minimizacyju rassyłak spam-paviedamleńniaŭ z terytoryi Biełarusi. Źviazana heta ź vialikaj kolkaściu spamu, jaki adpraŭlajecca, časta bieź viedama abanientaŭ, z zaražanych virusami kampjutaraŭ.
U pryvatnaści, jak paviedamlaje «Biełtelekam», «dla abanientaŭ, ad jakich budzie zafiksavana spam-rassyłka, budzie zakryta mahčymaść adpraŭki elektronnych paviedamleńniaŭ pa pratakole SMTP praz 25-y port paštovaha klijenta».
«Biełtelekam» prapanuje abanientam pravieryć svaje kampjutary na najaŭnaść virusaŭ i trajanskich prahram, a pry ich vyjaŭleńni pravieści lačeńnie abo vydaleńnie zaražanych abjektaŭ.
Karystalnikam paštovych klijentaŭ (Outlook Express, The Bat, Thunderbird i da t.p.), u vypadku ŭźniknieńnia prablem z adpraŭkaj paštovych paviedamleńniaŭ, rekamiendujecca ŭkazać u nastrojkach paštovaj prahramy abaronienyja viersii pratakoła SMTP (porty 587 i 465), kali pracu z hetymi portami padtrymlivaje paštovy siervier, jaki vykarystoŭvajecca.
U paviedamleńni «Biełtelekama» taksama havorycca, što ŭładalnikaŭ elektronnych paštovych skryniaŭ na resursach gmail.com, mail.ru i t.p., hetyja mierapryjemstvy nie zakranuć.
Kamientary