Siońnia ranicaj, 9 červienia, kala 5:00 adbyŭsia vybuch u piacipaviarchovym žyłym domie pa adrasie vulica Maładhvardziejskaja, 28 u horadzie Mikałajeŭ, što na poŭdni Ukrainy.
Vybuch adbyŭsia na dvuch vierchnich pavierchach pieršaha padjezda doma.
U vyniku vybuchu, jaki byŭ čutny ŭ radyusie niekalkich kiłamietraŭ, całkam źniesła kanstrukcyju bałkona na piatym paviersie, taksama pravaliŭsia dach doma nad miescam vybuchu i vybiła šyby ŭ susiednich damach.
Z padjezda, dzie adbyŭsia vybuch, evakujavali 32 čałavieki. Taksama jość infarmacyja ab troch paciarpiełych, adzin ź jakich — mužčyna, jakoha ŭžo špitalizavali.
U dadzieny momant na miescy pracujuć MNS-niki, miedyki, milicyja, a taksama ekśpierty-kryminalisty i hazaviki. Ratavalniki pravodziać tak zvanyja «chviliny cišyni» dla taho, kab vyznačyć ci jość chto-niebudź žyvy pad zavałami.
Na 8 ranicy adsutničaje infarmacyja pra troch čałaviek.
Roŭna čatyry tydni tamu ŭ Mikałajevie (Łazurnaja, 40) taksama adbyŭsia vybuch u žyłym domie, tady zahinuli niekalki čałaviek.
