Viktoryja Azaranka ŭpieršyniu za apošnija try hady pakinuła piaciorku najmacniejšych tenisistak śvietu. U novym rejtynhu WTA, apublikavanym 9 červienia, jana zajmaje vośmaje miesca, apuściŭšysia na try radki.
U top-5 biełaruskaja spartsmienka bieśpierapynna znachodziłasia z 11 krasavika 2011 h., a ŭ top-8 — z 21 sakavika taho ž hoda.
Azaranka praciahvaje adnaŭlacca paśla traŭmy i ŭ spabornictvach nie ŭdzielničaje, što i stała pryčynaj paharšeńnia rejtynhu. Čakajecca, što tenisistka vystupić na Adkrytym čempijanacie Anhlii (Uimbłdon) u kancy červienia, paviedamlaje BiełaPAN
Pieršaje miesca praciahvaje zajmać Sierena Uiljams (9 660 bałaŭ), zatym — Li Na (7 450), Simona Chalep (6 435), Ahnieška Radvanskaja (5 990), Maryja Šarapava (4 741), Pietra Kvitava (4 570), Jelena Jankavič (3 995).
U Azaranki 3 841 bał, i joj nastupaje na piatki Anhielika Kierbier z Hiermanii (3 830), zamykaje dziasiatku Daminika Cybułkava sa Słavakii (3 735).
Kamientary