Biełaruski lidar Alaksandr Łukašenka prahnazuje, što ŭ bližejšyja piać hadoŭ tavaraabarot pamiž Ukrainaj i Biełaruśsiu moža vyraści da $15 młrd. Pra heta jon skazaŭ paśla inaŭhuracyi 5-ha prezidenta Ukrainy Piatra Parašenki ŭ subotu.
«U nas byŭ tavaraabarot bolš za 7 młrd i ja dumaju, što 15 my možam atrymać u bližejšuju piacihodku, asabliva ŭ biahučaj situacyi. Cpis śfier našaha ŭzajemadziejańnia vielmi raznastajny i achoplivaje tyja haliny, u jakich našy krainy mohuć być karysnyja adzin adnamu», — adznačyŭ Łukašenka
Jon adznačyŭ, što havorka moža iści i pra vajenna-techničnaje partniorstvie pamiž dziaržavami.
«My siońnia z Turčynavym razmaŭlali — u vas źjavilisia vielmi dobryja BTRy. Navat tut u nas cikavaść.
Ź Piatrom Parašenkam … My jašče nie abmiarkoŭvali hetaje pytańnie pa supracoŭnictvie, a z Turčynavym kazali dosyć padrabiazna. I hałoŭnaje, što ŭ hety čas, pry ŭsioj toj błytaninie, kali va Ukrainie, uvohule niama z kim razmaŭlać, tavaraabarot pamiž našymi krainami źniziŭsia ŭsiaho na 3%», — dadaŭ kiraŭnik Biełarusi.
Kamientary