Raźmiaščeńnie dadatkovych bajavych sił zblizku rasiejskich miežaŭ pramym čynam parušaje Asnovatvorny akt ab uzajemnych adnosinach pamiž Rasijaj i NATA.
Pra heta siońnia zajaviŭ pieršy namieśnik ministra zamiežnych spraŭ RF Uładzimir Citoŭ.
«My nie možam zastavacca abyjakavymi da militaryzacyi dziaržaŭ vakoł nas i budziem vymušanyja prymać usie nieabchodnyja palityčnyja i vajenna-techničnyja miery, kab nadziejna zabiaśpiečyć našu biaśpieku», — padkreśliŭ jon.
Pa słovach Citova, ukrainski kanflikt prademanstravaŭ kryzis sistemy jeŭraatłantyčnaj biaśpieki, i naroščvańnie prysutnaści NATA la rasijskich miežaŭ tolki ŭzmacniaje napružanaść «u i biez taho niaprostaj situacyi».
«NATA, chutčej, stvaraje prablemy, čym dapamahaje ich vyrašać», — skazaŭ čynoŭnik.
Kamientary