Prezident ZŠA Barak Abama vykazaŭ hłybokaje rasčaravańnie ŭ suviazi ź niazdolnaściu Vašynhtona zrabić choć niejkija zachady pa abmiežavańni abarotu strałkovaj zbroi.
Amierykanskamu hramadstvu, pa słovach prezidenta, čas rabić pieraacenku kaštoŭnaściej — dla ŭsich užo stała normaj toje, što adbyvajecca ŭ krainie hvałt. «Inšaha takoha miesca ŭ śviecie niama», — skazaŭ Abama, kamientujučy trahiedyju, što zdaryłasia ŭ aŭtorak, kali zahinuŭ vučań siaredniaj škoły ŭ štacie Arehon.
Jon padkreśliŭ, što pakul u śviadomaści hramadstva nie nastupiać źmieny, zbrojevaje łobi budzie daminavać u kanhresie ZŠA. Prezident sa škadavańniem kanstatavaŭ, što ciapier praz parłamient niemahčyma pravieści navat niaznačnaje abmiežavańnie pa hetym pytańni, «i nam usim pavinna być soramna za heta».
U pačatku 2013 hoda Abama sprabavaŭ pierakanać kanhres u nieabchodnaści ŭviadzieńnia abmiežavańniaŭ na vałodańnie zbrojaj, ale hetaja sproba pravaliłasia z-za cisku z boku łobi Nacyjanalnaj strałkovaj asacyjacyi.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary