Barak Abama praciahnuŭ sankcyi da šerahu kiraŭnikoŭ Biełarusi ŭ suviazi z tym, što ich dziejańni praciahvajuć ujaŭlać pahrozu biaśpiecy ZŠA.
U aŭtorak, 10 červienia, prezident ZŠA nakiravaŭ adpaviedny ŭkaz u Kanhres, pieradaje Deutsche Welle. U pasłańni adznačajecca, što dziejańni i palityka šerahu čynoŭnikaŭ Biełarusi (u tym liku, niekatorych čalcoŭ urada) padryvajuć demakratyčnyja pracesy i instytuty krainy, a taksama parušajuć pravy čałavieka šlacham palityčnych represij i karupcyi. Takim čynam, hetyja asoby «praciahvajuć ujaŭlać nadzvyčajnuju pahrozu nacyjanalnaj biaśpiecy i źniešniaj palitycy ZŠA».
Ukaz pra sankcyi suprać biełaruskich čynoŭnikaŭ, jaki ŭpieršyniu byŭ vydadzieny ŭ ZŠA ŭ 2006 hodzie, abnaŭlajecca štohod. U jakaści štrafnoj miery byŭ uviedzieny aryšt na ŭłasnaść peŭnych katehoryj biełaruskich hramadzian u Amierycy, a taksama za jaje miežami, u vypadku znachodžańnia pad kantrolem urada ZŠA. U śpis uklučanyja dziesiać čałaviek, siarod jakich kiraŭnik Biełarusi, ministry justycyi i ŭnutranych spraŭ, a taksama kiraŭnik dziaržaŭnaha telebačańnia i radyjo.
Darečy, u kastryčniku 2014 hoda zakančvajecca termin dziejańnia sankcyj Jeŭrasajuza, uviedzienych suprać aficyjnaha Minska. U «čorny śpis» ES uvachodziać pradstaŭniki kiraŭnictva krainy i bujnyja biźniesmieny.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary