Ministra zamiežnych spraŭ Rasijskaj Fiederacyi Siarhieja Łaŭrova raśśmiašyli słovy kiraŭnika MZS Polščy Radasłava Sikorskaha ab zaviareńniach rasijskaha boku ŭ niemahčymaści paŭtareńnia scenara ŭklučeńnia ŭ skład Rasiei inšych terytoryj tak, jak heta było ŭ sakaviku hetaha hoda z Krymam.
Pra heta paviedamlaje polskaja Gazeta Wyborcza.
«My majem zapeŭnieńni, što krymski scenar nie paŭtorycca», — skazaŭ učora ŭ Sankt-Pieciarburhu Sikorski. Adnak kiraŭnik rasijskaha MZS u adkaz na hetyja słovy tut ža publična «hučna zaśmiajaŭsia».
Kiraŭniki MZS u Sankt-Pieciarburhu brali ŭdzieł u čarhovym pasiadžeńni tak zvanaha «Kalininhradskaha trochkutnika» — tradycyjnaj sustrečy ministraŭ Niamieččyny, Polščy i Rasii. Sioleta na im, u pryvatnaści, abmiarkoŭvali pytańnie ab situacyi ŭ Ukrainie.
Paźniej Łaŭroŭ pachvaliŭ hutarki ź jeŭrapiejskimi ministrami za «kanstruktyŭnaść» i nazvaŭ ich «nadzvyčaj patrebnymi», ale adznačyŭ, što bakam nie ŭdałosia dasiahnuć zhody.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary