Infarmacyja pra toje, što nibyta hramadzianin Hruzii sprabavaŭ uhnać samalot, jaki lacieŭ ranicaj 10 červienia rejsam Kutaisi — Minsk, nie adpaviadaje rečaisnaści.
Ab hetym paviedamlaje partał «Naviny-Hruzija» sa spasyłkaj na pres-słužbu kampanii «Abjadnańnie aeraportaŭ Hruzii».
U pres-słužbie kampanii «Abjadnańnie aeraportaŭ Hruzii», kudy ŭvachodzić i Kutaiski aeraport, zajavili, što nijakaj sproby ŭhonu samalota nie było, ale paćvierdzili, što ciapier hramadzianin Hruzii zatrymany supracoŭnikami KDB Biełarusi.
U pres-słužbie Kamiteta dziaržbiaśpieki Biełarusi hetuju infarmacyju nie kamientujuć.
Nahadajem, pra sprobu ŭhonu samalota, jaki ruchaŭsia ranicaj 10 červienia pa maršrucie Kutaisi — Minsk, paviedamiŭ KDB Biełarusi. Adzin z pasažyraŭ adpraviŭ kamandziru samalota zapisku z pahrozaj uzarvać avijałajnier u vypadku nievykanańnia patrabavańnia ab źmianieńni kursa palotu ŭ adnu ź jeŭrapiejskich krain. Na borcie samalota znachodzilisia 32 pasažyry, u tym liku dzicia, i čatyry členy ekipaža.
«Dziakujučy prafiesijnym dziejańniam piłotaŭ u 6.50 ukazany bort zrabiŭ pasadku ŭ nacyjanalnym aeraporcie Minsk», — paviedamiła pres-słužba KDB. Pradstaŭniki kontrterarystyčnaha ŭpraŭleńnia KDB i hrupy «A» padnialisia na bort avijałajniera i pačali pieramovy z asobaj, jakaja pieradała zapisku, — hramadzianinam Hruzii 1973 hoda naradžeńnia. U vyniku pieramoŭ złačynca pahadziŭsia pakinuć bort samalota i ŭ 8.10 dobraachvotna zdaŭsia supracoŭnikam KDB. Užo ŭ 8.15 pavietranaje sudna pakinuli pasažyry i členy ekipaža.
U dačynieńni da zatrymanaha KDB raspačata sprava na padstavie č. 2 art. 311 KK (uhon abo zachop z metaj uhonu pavietranaha sudna).
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary