Rasija stvaryła łaŭkostar «Dabralot», kab abyści avijabłakadu Kryma
Zhodna ź mižnarodnymi normami, u anieksavany Krym rejsaŭ zamiežnych kampanij nie budzie. Reč u tym, što samalot, jaki tudy prylacić, budzie non hrata ŭ inšych aeraportach. Ale Rasija znajšła vyjście. Jana stvaryła kampaniju «Dabralot», dziejnaść jakoj budzie abmiažoŭvacca samoj Rasijskaj Fiederacyjaj.
Pryčym z vykarystańniem sučasnych markietynhavych technałohij: heta budzie łaŭkostar. Pryčym pieršy rasijski łaŭkostar. Raniej urad takich kampanij nie dazvalaŭ, kab nie padryvać manapolii «Aerafłota», ale na pieršy rejs «Dabralota» pryjechaŭ asabista premjer Dźmitryj Miadźviedzieŭ.
Pieršy rejs «Dabralota» ŭ Simfieropal adbyŭsia 10 červienia. Vylet byŭ z Šaramiećjeva, kudy inšyja «tannyja avijakampanii» nie puskajuć. Napačatku buduć dva rejsy ŭ dzień.
Dla Kryma heta praryŭ pavietranaj błakady. Usio spadziavańnie paŭvostrava ciapier — heta turysty z Rasii. Ź inšych krain ludzi tudy buduć jeździć mała — i dziela abmiežavańniaŭ, uviedzienych Ukrainaj, i z pačućcia pratestu suprać rasijskaj akupacyi. Tamu ŭłady Kryma raźličvajuć na «arhanizavanych rasijskich turystaŭ», pryjezd jakich apłaciać «Hazprom» i «Rośniefť».
Cana bileta «Dabaralota» ŭ Simfieropal tudy i nazad nierealna nizkaja: 190 dalaraŭ u žniŭni, na piku turystyčnaha siezona.
Pasažyraŭ pieršaha rejsa na bartu paili šampanskim.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary