Rabotniki ŽKH u Breście ŭ pracoŭny čas masava jeździli ŭ Polšču

Rabotniki ŽKH u Breście ŭ pracoŭny čas masava jeździać za miažu. Šmatlikija vypadki takich pajezdak ustanaviła haradskaja prakuratura, zhadaŭšy ich u svajoj spravazdačy jak fakty «prajavy karupcyi».

Jak stała viadoma charter97.org, takija vypadki prakuratura ŭstanaviła pa vynikach svajoj pravierki na pradpryjemstvach KUVP «Bresckaje kacielnaja haspadarka», KVUP «Brestvodakanał», PKUP «Kamunalnik», KUP «Bresckaje DEP», KVUP «Brescki śmiećciepierapracoŭčy zavod». Pry hetym u tabieli, dzie adznačajecca adpracoŭka ustanoŭlenaj normy pracoŭnaha času, adbivałasia infarmacyja, jakaja nie adpaviadaje sapraŭdnaści. Inšymi słovami, u hetyja dni znachodzilisia za miažoj rabotniki atrymlivali paŭnavartasnuju zarabotnuju płatu.

Asabliva pakazalnymi ŭ prakuratury paličyli vypadki parušeńnia «antykarupcyjnaha» zakanadaŭstva ŭ KUPP «Bresckaja kacielnaja haspadarka»,

kali kampaniju z 11-ci rabotnikaŭ u składzie majstroŭ učastkaŭ, majstroŭ źmieny, hałoŭnaha enierhietyka i načalnikaŭ adździełaŭ uznačalvaŭ sam dyrektar,

jaki, biez bačnych na toje padstaŭ, taksama dazvalaŭ sabie znachodzicca za miažoj u pracoŭny čas. Takija parušeńni dapuskalisia słužbovymi asobami i inšych pradpryjemstvaŭ žyllova-kamunalnaj haspadarki Bresta.

Zrešty, tolki faktami vyjezdaŭ za miažu «hrachi» rabotnikaŭ śfiery ŽKH nie abmiažoŭvajucca. Vyśvietliłasia, što majuć miesca i vypadki parušeńnia słužbovymi asobami hetych pradpryjemstvaŭ piśmovych abaviazacielstvaŭ, u adpaviednaści ź jakimi im zabaraniajecca vykonvać inšuju apłačvajemuju rabotu, nie źviazanuju z vykanańniem pracoŭnych abaviazkaŭ pa miescy asnoŭnaj pracy. Tak, načalnik adnaho z učastkaŭ KUVP «Bresckaje kacielnaja haspadarka» adnačasova z pracoŭnaj dziejnaściu pa asnoŭnym miescy pracy byŭ pracaŭładkavany ŭ pradstaŭnictvie BRUSP «Biełdziaržstrach» pa horadzie Breście, vykonvajučy pasłuhi pa strachavańni.

Akazvajecca, takija parušeńni zakanadaŭstva nasili sistemny charaktar:

«padpracoŭki na baku» dazvalali sabie hałoŭny enierhietyk, načalniki učastkaŭ, adździełaŭ łabaratoryj KUVP «Bresckaje kacielnaja haspadarka», jakija vykonvali apłačvanuju pracu ŭ arhanizacyjach niedziaržaŭnaj formy ŭłasnaści, atrymlivajučy za heta dadatkovaje hrašovaje ŭznaharodžańnie. Anałahičnyja parušeńni dapuskalisia niekatorymi słužbovymi asobami PKUP «Kamunalnik», KVUP «Briestvodokanał», KUP «Bresckaje DEP» i KVUP «Brescki śmiećciepierapracoŭčy zavod».

Cikava, što choć infarmacyju ab słužbovych asobach, jakija dapuścili naŭmysnaje ŭniasieńnie niepraŭdzivych źviestak u tabieli ŭliku pracoŭnaha času, nakiravanyja ŭ terytaryjalnyja orhany ŭnutranych spraŭ dla praviadzieńnia pravierki i dačy kryminalna-pravavoj acenki ich dziejańniam, nijakaj reakcyi niama. A bo prakuratura całkam moža i sama inicyjavać pačynańnie kryminalnych spraŭ, kali bačyć u hetym prajavu karupcyi.

• 0
• 0
• 0
• 0
• 0
• 0
• 0
• 0