Rasijskija stratehičnyja bambaviki znoŭ byli zaŭvažanyja niepadalok ad bierahavoj linii ZŠA.
Pavodle źviestak amierykanskich vajennych, na hetym tydni samaloty z RF uvarvalisia ŭ apaznavalnuju zonu SPA ZŠA, ale pakinuli jaje, nie parušyŭšy amierykanskuju pavietranuju prastoru.
Jak paviedamlaje The Washington Times sa spasyłkaj na aficyjnaha pradstaŭnika Cichaakijanskaha vajenna-pavietranaha fłota Džefa Dejvisa, u paniadziełak radary zafiksavali čatyry Tu-95 pablizu Aleŭckich vyspaŭ i dva samaloty-zapraŭščyki Ił-78.
Pa dadzienych haziety, u adkaz amierykanskija vajennyja padniali dva samaloty F-22 dla supravadžeńnia rasijskich bambavikoŭ, paśla čaho dva z čatyroch Tu-95 raźviarnulisia i, jak miarkujecca, viarnulisia nazad na bazu ŭ Anadyr. Dva inšyja bambaviki prajšli na paŭdniovy ŭschod i ŭvarvalisia ŭ zonu SPA ZŠA ŭ bierahoŭ Paŭnočnaj Kalifornii. Kali jany znachodzilisia ŭ 50 milach ad amierykanskaha ŭźbiarežža, ich dahnali dva F-15, paśla čaho Tu-95 byli vymušanyja raźviarnucca i nakiravacca ŭ zachodnim napramku.
Nahadajem, 6 maja rasijskija stratehičnyja bambardiroŭščyki dalokaj avijacyi Tu-95 taksama byli zaŭvažany la ŭźbiarežža Kalifornii i pobač z vostravam Huam.
Kamientary