Antyterarystyčnaja apieracyja ŭ Maryupali prajšła paśpiachova, zatrymanyja 30 terarystaŭ. Pra heta paviedamiŭ na bryfinhu daradca ministra ŭnutranych spraŭ Ukrainy Anton Hieraščanka.
«Siońnia a 5-j ranicy pačałasia zahadzia spłanavanaja apieracyja. Zahad na vykanańnie apieracyi daŭ ministr unutranych spraŭ Arsien Avakaŭ. Apieracyja składałasia ź niekalkich častak: u pieršuju čarhu, šturmavaja hrupa — bataljon «Azoŭ» — pajšła na ŭmacavańni terarystaŭ. Taksama było praviedziena ačapleńnie siłami vojskaŭ Nacyjanalnaj hvardyi i siłami bataljona «Dniapro-1». Taksama Uzbrojenyja siły Ukrainy byli vystaŭlenyja pa pierymietry horada dla niedapuščeńnia masavaha vyjezdu terarystaŭ z horada i niedapuščeńnia vyvazu zbroi», — skazaŭ jon.
Pa słovach Hieraščanki, «apieracyja prajšła paśpiachova. Spačatku byli źniščany muravanyja ŭmacavańni terarystaŭ, paśla ŭžyvańnia ručnych hranatamiotaŭ terarystam była pakazana surjoznaść našych namieraŭ. Zatrymana kala 30 terarystaŭ, jany ŭsio vyviezieny ŭ biaśpiečnaje miesca. Zaraz praciahvajecca kropkavaja začystka, terarysty pačali chavacca pa damach i padvałach, kab vyratavać svajo žyćcio».
Akramia taho, Hieraščanka adznačyŭ, što «adnaho z kiraŭnikoŭ maryupalskich terarystaŭ pa mianušcy «Barada» znajšli ŭ padvale, papiaredziŭšy, što kali jon nie vyjdzie, to tudy budzie kinuta hranata. Tamu vierchavod zdaŭsia».
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3636
Kamientary