Z zabojcami afrykanskich słanoŭ prapanujuć zmahacca, jak z narkadylerami
Budučynia afrykanskaha słana pad pahrozaj. Štohod brakańjery niščać žyvioł bolš, jak ich naradžajecca.
Papulacyi słanoŭ u asobnych rehijonach Afryki — pad pahrozaj poŭnaha źniknieńnia, što tłumačycca rostam popytu na słanovuju kość ŭ Kitai i Tajłandzie.
Złačynnyja hrupoŭki i paŭstanckija ŭzbrojenyja farmavańni zabivajuć słanoŭ z-za biŭniaŭ, košt jakich składaje tysiačy dołaraŭ za kiłahram, skazana ŭ dakładzie hienieralnaha sakratara CITES Džona Skenłana.
CITES — Kanviencyja ab mižnarodnym handli vidami dzikaj fauny i fłory, jakija znachodziacca pad pahrozaj źniknieńnia, była pryniataja ŭ 1975 hodzie i na siońnia ratyfikavanaja 180-ju krainami.
U 2011 hodzie brakańjerstva słanoŭ było na piku — tady było źniščana 25 tys. žyvioł. 2013 staŭ trecim zapar, kali było zabita bolš za 20 tys. słanoŭ.
Na afrykanskim ža kantyniencie pavodle acenak śpiecyjalistaŭ, zastałosia kala 500 tys. słanoŭ.
U 2013 hodzie pačaścilisia vypadki aryštu bujnych hruzaŭ — ad 500 i bolš kiłahramaŭ słanovaj kości. Pa dadzienych CITES, letaś byli kanfiskavanyja rekordnyja 40 tys. kh słanovaj kości, a za 5 miesiacaŭ hetaha hoda — užo 55 tys. kh.
Adznačajecca palapšeńnie pracy adpaviednych uładaŭ Uhandy i Tanzanii, bo mienavita ŭ hetych dźviuch krainach aryštoŭvajecca kala 80% bujnych hruzaŭ słanovaj kostki ŭ Afrycy.
«Dla paśpiachovaj baraćby z brakańjerstvam my pavinny ŭžyvać tyja ž taktyki, što i ŭ baraćbie z narkahandlem, handlem ludźmi i niezakonnym handlem zbrojaj», — padkreśliŭ kiraŭnik CITES.
Kamientary