Trochbakovyja kansultacyi Rasija-Ukraina-ES pa hazie, jakija adbylisia napiaredadni ŭ Kijevie, zaviaršylisia biezvynikova, pieradajuć infarmacyjnyja ahienctvy.
Kali projdzie novy raŭnd pieramovaŭ pakul nieviadoma. Napiaredadni jeŭrakamisar pa enierhietycy Hiunter Etynhier prapanavaŭ u čarhovy raz abmierkavać hazavuju prablemu 15 červienia. Dakładny čas pačatku kansultacyj nazvany nie byŭ. Na dumku jeŭrakamisara, šancy dasiahnuć damoŭlenaści na trochbakovych pieramovach zastajucca.
Raniej rasiejski bok prapanoŭvaŭ Ukrainie źnižku ŭ $ 100 pry apłacie za haz, novaja cana mahła skłaści $ 382 za tys. kub.m. Ukrainski bok admoviŭsia ad hetaj źnižki.
Kijeŭ nastojvaje na źnižeńni koštu da $ 268,5 za tys. kub.m, a taksama patrabuje kanfiskacyi z kantraktu normy «biary abo płaci» i admieny zabarony na reekspart hazu.
«Hazprom» čakaje, što 16 červienia (da 10.00 pa Maskvie) ukrainski bok pieraličyć $ 1,9 młrd. Kali hetaha nie adbudziecca, u dačynieńni da pastavak hazu va Ukrainu budzie ŭviedzieny režym pieradapłaty.
Miž tym, jak paviedamlałasia, premjer-ministr Ukrainy Arsień Jacaniuk daručyŭ profilnym ministerstvam i NAK «Naftahaz Ukrainy» rychtavacca da adklučeńnia rasijskaha hazu z 16 červienia.
Adnačasova kiraŭnictvu «Naftahazu» i ministru justycyi Ukrainy daručana zaviaršyć praceduru padrychtoŭki da abarony intaresaŭ Ukrainy ŭ adnosinach pamiž NAK «Naftahaz Ukrainy» i AAT «Hazpram» u Stakholmskim arbitražnym sudzie.
X
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?26
Kamientary