Nacystami stali prafiesary univiersitetaŭ, parłamientaryi i televiadučyja.
Tak viadomy biełaruski paet i vydaviec Adam Hłobus prakamientavaŭ u svaim błohu niadaŭnija vykazvańni rasiejskaha palitołaha i fiłosafa Alaksandra Duhina, jaki zaklikaŭ Uładzimira Pucina zabivać ukraincaŭ.
Jon pravioŭ paralel pamiž nacystami ŭ Rasiei i nacystami hitleraŭskaj Hiermanii, kažučy pra toje, što ruskija ničym nie lepšyja.
«Ruski nacyst Duhin zaklikaje zabivać ukraincaŭ. Jon zaklikaje zabivać ludziej tolki tamu, što jany majuć peŭnuju nacyjanalnaść. Tak hitleraŭcy zaklikali zabivać cyhan biez suda i śledstva, zaklikali i zabivali ludziej tolki tamu, što heta cyhany. Ruskija nacysty ŭśled za niamieckimi padzialajuć narody na škodnyja i patrebnyja. Dzikunstva», - piša biełaruski paet.
Pavodle słoŭ Adama Hłobusa, rasiejskaje dzikunstva, pamnožanaje ŭdvaja i navat utraja, vyjaŭlajecca jašče i ŭ tym, što nacystami stali prafiesary univiersitetaŭ, parłamientaryi i televiadučyja.
«Usia Rasiejskaja impieryja zachvareła na žorstki nacyzm. Na našych vačach jon pačynaŭsia ź nianaviści da čačencaŭ i hruzinaŭ, usich kaŭkazcaŭ i prybałtaŭ, a ciapier nianaviść da ŭkraincaŭ pierasiahnuła ŭsie samyja piesimistyčnyja prahnozy. Čakali drennaha, a dačakalisia horšaha - zaklikaŭ da źniščeńnia cełaha vialikaha naroda», - padsumavaŭ biełaruski paet.
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?21
Kamientary