Prezident niepryznanaj Paŭdniovaj Asiecii Leanid Cibiłaŭ padpisaŭ ukaz ab pryznańni samaabvieščanaj Łuhanskaj Narodnaj Respubliki (ŁNR). Pra heta ŭ sieradu, 18 červienia, paviedamlaje infarmahienctva «Res».
«Uličvajučy volevyjaŭleńnie naroda i zvarot Viarchoŭnaha savieta Łuhanskaj narodnaj respubliki da prezidenta Respubliki Paŭdniovaja Asiecija ab pryznańni suvierenitetu Łuhanskaj Narodnaj Respubliki, padtrymanaje parłamientam Respubliki Paŭdniovaja Asiecija, prezident pastanaviŭ pryznać Łuhanskuju Narodnuju Respubliku ŭ jakaści suvierennaj niezaležnaj dziaržavy», - havorycca va ŭkazie.
Ministerstvu zamiežnych spraŭ Paŭdniovaj Asiecii daručana pravieści pieramovy ab ustalavańni dypłamatyčnych adnosinaŭ z ŁNR i dasiahnutuju damoŭlenaść aformić adpaviednymi dakumientami.