Niepaćvierdžanaja infarmacyja: u načnym bai pad Łuhanskam zahinuli 15 vajskoŭcaŭ, los jašče 13 nieviadomy
Nočču padčas sutyknieńniaŭ z bajavikami na Łuhanščynie byli zabityja 15 ukrainskich siłavikoŭ, los jašče 13 nieviadomy.
Takija dadzienyja padała vysokapastaŭlenaja krynica ŭ Ministerstvie abarony.
U pryvatnaści, u načnym bai la pasiołka Ščaście zahinuli 11 vajskoŭcaŭ z 128-j horna-piachotnaj bryhady (Mukačava) i 80-ha aeramabilnaha pałka (Lvoŭ).
U 24-m bataljonie terytaryjalnaj abarony zabityja čatyry vajskoŭcy.
Akramia taho, u 128-j horna-piachotnaj bryhadzie dvoje vajskoŭcaŭ atrymali ranieńni, u 80-m aeramabilnym pałku — troje, u 24-m bataljonie terytaryjalnaj abarony — čaćviora.
Pry hetym, pa dadzienych krynicy, los jašče 13 vajskoŭcaŭ z častak ATA nieviadomy.
Pa infarmacyi žurnalistki Anastasii Biarozy, infarmacyja «Zierkała niedieli» ab novych stratach kala Ščaścia — praŭdzivaja.
Pavodle jaje słoŭ, u štabie ATA ab achviarach viadoma, ale dadzienaja kamanda źvierchu ničoha nie paviedamlać.
U zahinułaj u Ślapiancy dziaŭčynie apaznali Janu Kastrankovu2
Kamientary