20-ha červienia ŭ Lidskaj rajonnaj biblijatecy adbyłosia mierapryjemstva, pryśviečanaje pamiaci Vasila Bykava z nahody 90-hodździa z dnia narodzinaŭ vialikaha piśmieńnika.
Aproč lidskich prychilnikaŭ tvorčaści Bykava, na mierapryjemstva pryjechali nastaŭniki i vučni ź vioski Jodki, što pobač ź Lidaj.
Napačatku supracoŭnica biblijateki Tareza Tołkun raspaviała pra žyćciovy i tvorčy šlach Vasila Bykava, pra jaho značny ŭniosak u biełaruskuju i suśvietnuju litaraturu.
Aleś Chitrun, navukovy supracoŭnik Lidskaha historyka-mastackaha muzieja, paznajomiŭ prysutnych z ekspanatami, jakija majuć dačynieńnie da Vasila Bykava, pakazaŭ fotarepartaž z adkryćcia muzieja Bykava, na jakim byŭ napiaredadni.
Pradstaŭnik vydavieckaj inicyjatyvy «Haradzienskaja biblijateka» Edvard Dmuchoŭski prezientavaŭ knihi «Vasil Bykaŭ. Historyja žyćcia ŭ dakumientach, publikacyjach, uspaminach, listach» i «Vasil Bykaŭ. Haradzienski archiŭ».
Łarysa Kančeŭskaja, siabra Lidskaj litaraturnaj supołki «Sukviećcie», padzialiłasia ŭspaminami pra svajo znajomstva z Vasilom Bykavym.
Lidski bard Siarhiej Čarniak muzyčna raznastaiŭ imprezu, praśpiavaŭšy niekalki svaich piesień na vieršy biełaruskich paetaŭ – siabroŭ Vasila Bykava.
Miarkujučy pa tym, što ŭšanavać Bykava pryjšli ludzi roznych pakaleńniaŭ, možna być upeŭnienymi, što pamiać pra vialikaha syna Biełaruskaj ziamli na Lidčynie nia źniknie.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary