Bajeviki na Danbasie nie spyniajuć abstrełaŭ pazicyj sił antyterarystyčnaj apieracyi (ATA), niahledziačy na damoŭlenaści ab spynieńni ahniu.
Pra heta zajaŭlaje pres-sakratar ATA Uładzisłaŭ Sielaźnioŭ u Facebook.
«Bajeviki nie spyniajuć abstrełaŭ pazicyj ukrainskich vajskoŭcaŭ. Tak, za minułyja sutki niekalki razoŭ byŭ abstralany błokpost na skryžavańni šlachoŭ na Krasny Liman i Słaviansk», — zajaŭlaje Sielaźnioŭ.
Pavodle jaho słoŭ, «bajeviki viali ahoń z terytoryj nasielenych punktaŭ, jakija miažujuć sa Słavianskam, padčas abstrełu vykarystoŭvali aŭtamatyčnyja hranatamioty AHS-17, padstvolnyja hranatamioty, dvojčy abstrelvali błokpost ź minamiotaŭ».
«Strat siarod ukrainskich vajskoŭcaŭ niama», — infarmuje pres-sakratar ATA.
Kamientary