Kamandzir bataljona «Danbas» Siamion Siamienčanka miarkuje, što čas pierachodzić da «płana V» i spyniać pieramirje.
Terarystyčnuju arhanizacyju «DNR» buduć sprabavać padymać da statusu «boku, što vajuje» i režym spynieńnia ahniu, chutčej za ŭsio, praciahnuć. Pra heta paviedamiŭ kamandzir bataljona «Danbas» Siamion Siamienčanka na svajoj staroncy ŭ Facebook.
«Spynieńnie ahniu dla taho, kab dać čas zdać terarystam zbroju, płaŭna pierarastaje ŭ pieramovy z terarystami. Z abodvuch bakoŭ na «pieramovach» tvorcy i aktyŭnyja ŭdzielniki staroj Ukrainy — karumpavanaj, nieefiektyŭnaj dziaržavy, jakaja abaraniaje intaresy maleńkaj kupki złodziejaŭ i niahodnikaŭ. Sa ździŭleńniem i hidlivaściu hladzieŭ učora na hetyja pieramovy sa ściaham DNR na zadnim płanie», — piša jon.
Siamienčanka ličyć, što nieabchodna pierachodzić da «płana V», inakš «usio heta zboryšča budzie pachavana «płanam S», aŭtaram jakoha budzie ŭkrainski narod».
«Vielmi spadziajemsia na toje, što Viarchoŭny hałoŭnakamandujučy addaść zahad armii navieści paradki i vymieści z Danbasa ŭsiu hetuju niečyść», — reziumavaŭ kamandzir.
Kamientary