Rasijskija fondavyja indeksy ŭ siaredzinie siesii 24 červienia rezka padskočyli paśla paviedamleńniaŭ ab tym, što prezident Rasii Uładzimir Pucin paprasiŭ SF admianić pastanovu ad 1 sakavika ab vykarystańni armii va Ukrainie.
Da 14:15 pavodle maskoŭskaha času indeks MMVB vyras na 1,33% da 1506 punktaŭ, a RTS padskočyŭ na 2,27% i pieravysiŭ 1400 punktaŭ. U pačatku tarhoŭ MMVB uźnimaŭsia na 0,76% da 1497 punktaŭ, RTS — na 1,445% da 1388 punktaŭ.
Akramia taho, paśla hetych paviedamleńniaŭ na valutnych tarhach Maskoŭskaj biržy da 14:15 pavodle maskoŭskaha času dalar i jeŭra patańnieli na čverć rubla, da 33,8960 rubla i 46,1735 rubla adpaviedna.
3 sakavika, na pieršych biržavych tarhach paśla taho, jak Saviet Fiederacyi dazvoliŭ prezidentu vykarystoŭvać vojski va Ukrainie, kursy asnoŭnych valut da rubla rezka vyraśli, a fondavyja indeksy, naadvarot, abvalilisia.
Kamientary