U Biełarusi zrazajuć «zamki kachańnia» paśla abvalvańnia mosta ŭ Paryžy
Minskija kamunalniki nie chočuć, kab aharodžy na našych mastach pad ciažaram zamkoŭ abrynulisia, jak na Moście Mastactvaŭ ŭ francuzskaj stalicy.
Nahadajem, što na pačatku červienia Most Mastactvaŭ nasuprać Łuŭra ŭ centry Paryža staŭ achviaraj maładych. Kavałak krataŭ praciahłaściu kala 2,4 mietra zvaliŭsia ŭ piešachodnuju zonu, bo nie vytrymaŭ dziasiatkaŭ tysiač «zamkoŭ kachańnia».
Masty ŭ biełaruskich haradach pakul nie abvalvalisia pad ciažaram viasielnych zamkoŭ. Adnak kamunalniki vyrašyli pryniać miery, paviedamlaje interfax.by. Naprykład, na dniach u Breście administracyja parku «začyściła» most na «Vostraŭ zakachanych», dzie zakachanyja rehularna pakidali zamki. Kanstrukcyja aharodžy nie raźličanaja na takuju nahruzku — mietał razburajecca.
U Minsku zakachanyja akupavali masty ŭ parku Horkaha, niepadalok ad Nacyjanalnaj biblijateki i la Vostrava śloz. Rabotniki UP «Haraŭtamost» pieryjadyčna zrazajuć tam zamki i zdajuć u mietałałom.
Kamientary