Pytańnie ab pavyšeńni piensijnaha ŭzrostu ŭ Biełarusi pakul nie razhladajecca.
Pra heta siońnia ŭ Barysavie zajaviŭ Alaksandr Łukašenka na sustrečy z pradstaŭnikami pracoŭnych kalektyvaŭ pradpryjemstvaŭ abaronnaha siektara.
«Ludzi nie chočuć pavyšeńnia piensijnaha ŭzrostu. Ja nie mahu siońnia iści ŭpopierak voli ludziej».
«Kali, viadoma, situacyja ŭskładnicca i ja jak ekanamist budu bačyć, što heta dla krainy drenna,
tady ja prosta vam skažu: ci ŭ dva, abo ŭ try pryjomy, ale davajcie na 5 hadoŭ piensii adciahvać.
Ale pakul my takoje pytańnie pierad saboj nie stavim i takuju prablemu takim čynam vyrašać nie źbirajemsia. Pakul cierpim. Ale vielmi ciažka. Kali my budziem iści da hetaha, ja vam abaviazkova sumlenna i adkryta skažu», — zajaviŭ Alaksandr Łukašenka.
Razam z hetym kiraŭnik dziaržavy nie vyklučyŭ mahčymaści pavyšeńnia piensijnaha ŭzrostu ŭ budučyni, patłumačyŭšy prablemu źmianieńniem suadnosin kolkaści pracujučych ludziej da liku piensijanieraŭ.
«Tamu my vymušany trymać i nievysokuju piensiju», — adznačyŭ jon.
«Nie viedaju kali, ale dumaju, što budzie (pavyšacca piensijny ŭzrost), tamu što, napeŭna, my adny zastalisia, dzie piensijny ŭzrost — 55 i 60 hadoŭ», - zaŭvažyŭ biełaruski kiraŭnik.
«U nas žančyny naradžać nie chočuć. Kali ŭ kožnaj siamji budzie troje dziaciej, my vyrašym usie prablemy», - dadaŭ Alaksandr Łukašenka.
Kamientary