BT, 21.40
Franc + Palina (Franc + Polina)
Rasieja, 2006, kalarovy, 119 chv.
Režyser: Michaił Siehał
Roli vykonvajuć: Śviatłana Ivanova, Adryjan Topal, Andrej Miarźlikin, Tamara Mironava, Uve Jelinek, Valancin Macapura
Žanr: Vajennaja kino, meladrama pavodle apaviadańnia Alesia Adamoviča “Niamko”
Adznaka: 4,5 (z 10)
Biełaruś, 1943 hod. U vioscy kvataruje niamiecki atrad. Maładzieńki žaŭnier Franc zakachany ŭ biełarusku Palinu. Ale nieŭzabavie budzie addany zahad na źniščeńnie ŭsich žycharoŭ…
Historyja niemahčymaj (pa savieckich časach) – lubovi, pastaŭlenaja pavodle prozy Alesia Adamoviča. Maładyja aktory kranajuć ščyraściu j niepadroblenaściu pačućciaŭ. Rasiejcy staranna ŭznaŭlajuć movu biełaruskaj vioski, a ruskaja aktrysa Śviatłana Ivanova navučyłasia razmaŭlać pa-biełarusku lepiej za mnohich tutejšych.
Karcidna maje šerah mižnarodnych pryzoŭ. Ale režysura Michaiła Siehała – hlamurna-klipavaja, prycharošanaja. A finał karciny vyrašany ŭ stylistycy “Omena”.
U lubym vypadku, “Franc + Palina” – film, jaki vyklikaje zacikaŭlenaść.
TV Centar, 23.20
Šostaje pačućcie (Sixth Sense)
ZŠA, 1999, kalarovy, 107 chv.
Režyser: M.Najt Šjamałan
Roli vykonvajuć: Brus Ŭilis, Hejli Džoeł Osment, Toni Kolet, Alivija Ŭiljamz, Doni Ŭołberh
Pryzy: Naminacyi na “Oskar”, premija “Saturn” – usiaho 30 uznaharod i 35 naminacyj.
Adznaka: 9 (z 10)
Dziciačy psycholah Koŭł, niaŭdały pacyjent jakoha zrabiŭ sabie śmierć, sustrakaje chłopčyka, jaki bačyć pryvidaŭ. Symptomy nahadvajuć Koŭłu skarhi staroha pacyjenta, ale praca z chłopčykam pryvodzić hieroja - i hledača - da šokavych vysnoŭ…
Najklasyčnaja mistyka Najta Šjamałana z vybitnaj aktorskaj hulnioŭ, chitraj režysuraj – i absalutna niečakanaj raźviazkaj. Adzin z najlepšych mistyčnych filmaŭ apošnich časoŭ.
