Słužba biaśpieki Ukrainy zatrymała dvuch hramadzian Rasii i adnaho — Respubliki Biełaruś, jakija finansavali kaardynataraŭ adeskaha «antymajdanu» i rychtavali masavyja akcyi suprać ukrainskaj ułady. Pra heta havorycca ŭ paviedamleńni Słužby biaśpieki Ukrainy.
Ustanoŭlena, što nazvanyja asoby prybyli ŭ Adesu ŭ kancy červienia h.h. dla vykanańnia śpieczadańnia rasijskaj vyviedki - razharnuć šyrokuju pracu pa arhanizacyi akcyj pratestu z metaj destabilizacyi sacyjalna-palityčnaj situacyi va ŭsim rehijonie.
Vykarystoŭvajučy taktyku raspaŭsiudžvańnia čutak i dezinfarmacyi, śpiekulujučy na niezadavolenaści sacyjalna-bytavymi prablemami, rasiejskija ahienty praz kantakty ź miascovymi sieparatystami rychtavali hrupy radykalna nastrojenych hramadzian dla praviadzieńnia akcyj, — raspaviali ŭ viedamstvie.
Akramia taho, jany vyrablali i raspaŭsiudžvali ŭlotki z zaklikami vychodzić na mitynhi, padbuchtorvali nasielnictva da masavych biesparadkaŭ.
«Šlacham podkupu» kišennych ŚMI «złamyśniki raspaŭsiudžvali» paničnyja nastroi «praz prapłočanyja stužki, publikacyi ŭ presie, siužety na telebačańni», — adznačajuć u SBU.
Paśla kožnaj praviedzienaj akcyi złamyśniki pavinny byli dasyłać svaim zamiežnym kurataram fotaspravazdačy.
Vyśvietlena taksama, što mienavita hetyja «hastralory» pa ŭkazańni zamiežnaha boku ažyćciaŭlali finansavańnie tak zvanaha «antymajdanu» na Kulikovym poli Adesy.
