Va Ukrainie stvarajecca biełaruski dobraachvotnicki atrad «Pahonia»
Atrad pad nazvaj «Pahonia» farmirujecca ŭ Vałynskaj vobłaści Ukrainy dla padrychtoŭki hramadzian Biełarusi, jakija chočuć dałučycca da ŭkrainskich dobraachvotnickich bataljonaŭ «Ajdar», «Azoŭ» i «Danbas» na ŭschodzie krainy.
Pra heta paviedamiŭ namieśnik kiraŭnika Vałynskaj abłasnoj rady Ihar Huź.
«Jość va Ukrainie maładziožnaja arhanizacyja «Nacyjanalny aljans», jakaja ŭžo kala dziesiaci hadoŭ aktyŭna supracoŭničaje ź biełaruskimi maładziožnymi arhanizacyjami, u tym liku z «Maładym frontam», «Moładździu BNF», — skazaŭ jon. — Na nas vyjšli biełarusy, jakija byli ŭ nas u spartyŭna-patryjatyčnych łahierach, z tym, što jany hatovy abaraniać Ukrainu. My ź imi pahutaryli i vyjšli na taki farmat, što budzie nievialikaje padraździaleńnie «Pahonia». Usie žadajučyja zmohuć pryjazdžać, prachodzić navučańnie i buduć nakiroŭvacca ŭ dobraachvotnickija bataljony «Danbas», «Ajdar» i «Azoŭ», jakija zaraz na froncie».
Huź paviedamiŭ, što ciapier padrychtoŭku va Ukrainie prachodziać piaciora biełarusaŭ.
«Heta aktyvisty šerahu maładziožnych i nie tolki maładziožnych arhanizacyj. Usie jany va ŭzroście da 30 hadoŭ, ale nam užo pišuć roznyja ludzi, u tym liku i starejšyja, — skazaŭ Huź. — Z-za taho što biełarusy apasajucca sankcyj z boku biełaruskich uładaŭ, my nie budziem nazyvać ich imiony ci pakazvać fota».
Huź padkreśliŭ: inicyjatyva stvareńnia atrada «Pahonia» nie źjaŭlajecca dziaržaŭnaj. «Heta inicyjatyva tych ludziej va Ukrainie, jakija daŭno kantaktujuć ź biełarusami», — dadaŭ jon.
U mižnarodnym hramadskim abjadnańni «Małady front» (Čechija) BiełaPAN paćvierdzili, što niekatoryja aktyvisty arhanizacyju supracoŭničajuć z ukrainskimi kalehami i adpravilisia va Ukrainu, ale ź jakoj metaj, kankretyzavać nie stali.
Antyterarystyčnaja apieracyja na ŭschodzie Ukrainy praciahvajecca. Pavodle apošnich źviestak ukrainskich ŚMI, ad sieparatystaŭ poŭnaściu vyzvalenyja harady Słaviansk i Kramatorsk Danieckaj vobłaści.
-
Pajezdka ŭ aeraport — ad 90 da 150 rubloŭ. Biełaruski kankurent «Jandeks-taksi» ahučyŭ taryfy
-
Žonka biełarusa, jaki emihravaŭ u Ispaniju ź siamjoj i zastaŭsia tam adzin, raskazała, čamu ŭ Baranavičach lepš, čym u Barsiełonie
-
Biełaruskija turysty pryjechali na mora ŭ AAE, ale miascovyja plažy akazalisia ŭ mazucie
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary