Z 21 pa 25 lipienia z-za rabot na ŭčastku Asipovičy — Babrujsk admianiajucca niekatoryja ciahniki
Niekatoryja ciahniki admianiajucca z 21 pa 25 lipienia z-za rabot na ŭčastku Asipovičy — Babrujsk. Ab hetym paviedamili ŭ pres-centry Biełaruskaj čyhunki.
Razmova idzie ab rabotach pa madernizacyi ŭstrojstvaŭ čyhunačnaj aŭtamatyki.
Časova nie buduć kursiravać ciahniki numar 744/743 Minsk — Babrujsk (z 22 pa 25 lipienia), numar 746/745 Minsk — Babrujsk (z 21 pa 25 lipienia), numar 742 Minsk — Žłobin (z 21 pa 24 lipienia), numar 741 Žłobin - Minsk (z 22 pa 25 lipienia), numar 615/622 Homiel — Minsk (z 22 pa 24 lipienia). U suviazi z hetym pradstaŭniki BČ prosiać pasažyraŭ, jaki ŭžo nabyli bilety na pieraličanyja sastavy, źviarnucca ŭ čyhunačnyja kasy. Im viernuć poŭny košt prajaznych dakumientaŭ.
Akramia taho, u pres-centry raskazali, što z 21 pa 25 lipienia budzie źmienieny raskład ruchu niekatorych ciahnikoŭ na ŭčastku Minsk — Žłobin. U tym liku źmienieny čas adpraŭleńnia i prybyćcia ciahnikoŭ, jakija kursirujuć pa maršrutach Homiel — Minsk, Adesa — Minsk, Minsk - Simfieropal, Žytomir - Baranavičy.
Biełaruskaja čyhunka prosić prabačeńnia ŭ pasažyraŭ za pryčynienyja niazručnaści i raić sačyć za źmianieńniami ŭ raskładzie ruchu ciahnikoŭ.
Bolš padrabiaznuju infarmacyju možna atrymać u kasach čyhunačnych vakzałaŭ, a taksama ŭ daviedačnych słužbach BČ.
Kamientary