Dzie ŭ Minsku kupić abo pradać staruju meblu

Śpiecyjalna dla ludziej, jakija ličać, što Ikea nie dla ich, my raskazvajem pra miescy, dzie možna niadoraha kupić šafu, naprykład, «Pinskdreva» 5- ci 20-hadovaj daŭniny. Abo pradać babulin fatel.

Pavialičyć

kufar.by, baraholka.onliner.by, second.by, ay.by

Raździeł «Mebla» na kufar.by naličvaje bolš za 6 tysiač prapanoŭ. Heta tolki ŭ Minsku: kali nie lanota jechać za kanapaj ŭ Viciebskuju vobłaść, to možna i ŭ hetym raździele što-niebudź znajści.

Na anłajnieraŭskaj «Barachołcy» pobač sa «Šafy-kupe sa źnižkaj 20% na ŭstanoŭku» možna znajści kanapu 80-ch hadoŭ za 20$ abo lusterka ŭ vannuju, pra jakoje vy maryli ŭsio žyćcio, za 10$. Tut ža kamientary, u jakich možna pradjavić pradaŭcu za košt ci pieraścierahčy inšych karystalnikaŭ, maŭlaŭ, «byŭ u mianie taki, razvaliŭsia za miesiac». Ale cikavaha tut choć časam i trapna, ale redka.

Na second.by vybar krychu bolš cikavy: tut i staryja savieckija tumbački, łožki, i niejkija zusim dzikija kuchonnyja harnitury (zakupicca ŭ novuju adnapakajoŭku staroj meblaj całkam realna za 1 młn rub.). Ale znoŭ ža: kapacca ŭ prapanovach z novaj meblaj tut časam nu vielmi motašna. A nam ža chočacca čaho-niebudź hetkaha!

Tamu naša parada: idzicie na ay.by. Voś dzie idealny błyšyny rynak! Antykvarnyja kamody, šafy i łožki (ad 100 da 1 000$), vyhnutyja kresły z PNR i HDR (ad 35 da 55$), davajennaje lusterka za 270$ i h.d. Inšaja sprava, što pradaŭcy na hetym aŭkcyjonie vydatna viedajuć: vintaž kaštuje hrošaj. Vialikich hrošaj.

mebelminsk.by

Fotakatałoh mebli ŭklučaje ŭ siabie častku «Pryvatnyja abjavy», dzie zvyčajnyja ludzi sprabujuć pradać zvyčajnym ludziam zvyčajnuju meblu. Dvuchstvorkavaja šafa z Uručča za 200.000 rub. (samavyvaz), prystojny miakki vuhałok z vulicy Ja. Kołasa za 100 u.a., žestačajšaja tumba pad televizar za 30 u.ie. Mara studenta! Ale, na žal, nie ŭsie abjavy milhaciać fatahrafijami tavaru, tamu treba pastaracca i ŭklučyć fantaziju. Zaraz na sajcie 7 staronak pryvatnych prapanoŭ, ź jakich 80% aryjentavany na Minsk.

minsk.ekomissionka.by

Taja ž prablema: staruju meblu tut zakidali prapanovami ad ipešnikaŭ typu «Novaja mebla pad zamovu». Ale raździeł raściahnuŭsia bolš čym na 500 staronak, a značyć, treba być vielmi pieraborlivym, kab nie znajści što-niebudź vartaje. Naša serca pakaryła rassoŭnaja kanapa i kresła za 250 u.a. i dźvie pryłožkavyja tumbački za 250 000 rub. Ale kali zadumacca: navošta vam ŭsia hetaja staryzna zdałasia? Zrešty, źviazacca z pradaŭcami možna praz sajt abo pa telefonie, jaki prysutničaje amal u kožnaj abjavie.

AVANTAN-ST

Dzie: h. Minsk, vuł. Vaniejeva, 24

Telefon: +375 17230 42 73

Kamisijny mahazin, jaki śpiecyjalizujecca vyklučna na mebli. Nie staniem śćviardžać, što prapanoŭ tut bolš, čym na pryviedzienych vyšej resursach, ale, chto jaho viedaje, moža mienavita siudy zaviazuć tumbačku Ludovika XIV.

Da taho ž, kali na fotcy možna schavać padrapanyja sabakam ścienki łožka, i vystavić tavar z pamietkaj «idealny stan», to ŭ kramie pradaviec sabie takoj raskošy dazvolić nie moža — tut usie niedachopy na vidavoku.

• 0
• 0
• 0
• 0
• 0
• 0
• 0
• 0